Ekonomıka • 02 Shilde, 2019

Kirisin jasyrǵan meıramhanalar kóp

420 ret kórsetildi

Elimizdiń meıramhanalary qoldanystaǵy zańnamalardyń normalaryn buzyp otyr. Bul týraly Memlekettik kirister komıteti habarlady.

Atalǵan oryndar qyzmetkerleriniń sanyn jasyryp, kassa apparattaryn qoldanbaǵan nemese fıskaldyq chekti aıyna 1 ret shyǵaryp, óz kiristerin kórsetpegen.

Memleketimizben shaǵyn kásipkerlik sýbektilerin fıskaldy qoldaý sharalaryn qoldaýdy jalǵastyryp kele jatqanyna qaramastan, elimizdiń «meıramhanalary» ózderiniń kiristeri men jaldamaly jalǵastyrýda.

Memlekettik kirister komıteti atalǵan saladaǵy salyq tóleýshilerdiń salyqtyq mindettemelerin oryndaýyn qashyqtan baqylaýdy ótkizý barysynda astanada jáne Respýblıkalyq mańyzy bar qalalarda qyzmetin júzege asyratyn ártúrli ınternet saıttarda óz qyzmetterin jarnamalaıtyn árekettegi meıramhanalardyń tizimi  paıdalandy, dep málimdedi QR QM Memlekettik kirister komıteti Salyqtyq ádisnama departamentiniń dırektory Jánibek Nurjanov.

Baqylaýdyń aldyn ala nátıjelerine sáıkes, Nur-Sultan qalasynyń 164 meıramhanasy boıynsha 37 salyq tóleýshi salyq eseptiliginde óz kiristerin kórsetpegen, 31 meıramhana boıynsha jaldamaly qyzmetkerler joq, jáne jaldamaly qyzmetkerler sanyn 1 – den 5 – ke deıin 41 meıramhananyń kórsetkendigi anyqtaldy. Odan basqa, qalanyń 6 meıramhanasynda baqylaý – kassa mashınalary joq, al BKM ornatqan meıramhanalardyń ishinde aıyna 1 ret fıskaldyq chekti shyǵaratyn –1 meıramhana, kúnine 1 ret – 14 meıramhana anyqtaldy. Qalanyń 34 meıramhanasynda BKM boıynsha aınalymdary joq.

Osyǵan uqsas jaǵdaı Almaty qalasy boıynsha oryn alǵan, ıaǵnı, 275 meıramhana boıynsha 95 salyq tóleýshi salyq eseptiliginde óz kiristerin kórsetpegen, 123 meıramhananyń jaldamaly qyzmetkerleri joq, jaldamaly qyzmetkerler sanyn 1– den 5– ke deıin 24 meıramhana kórsetken. BKM boıynsha: aıyna 1 ret fıskaldyq chekti shyǵaratyn – 3 meıramhana, kúnine 1 ret – 13 meıramhana anyqtaldy. Almaty qalasynyń meıramhanalarynyń 83 – de BKM boıynsha aınalym bolmaǵan.

Shymkent qalasynyń 85 meıramhanasy boıynsha óz kiristerin kórsetpeıtin 17 salyq tóleýshi anyqtaldy, 24 meıramhana jaldamaly qyzmetkerlerin kórsetpegen,  jaldamaly qyzmetkerler sanyn 1 – den 5 – ke deıin kórsetken 12 meıramhana anyqtaldy. Odan basqa, qalanyń 23 meıramhanasynda baqylaý – kassa mashınalary joq. BKM ornatylǵan meıramhanalar boıynsha: aıyna 1 ret fıskaldyq chekti shyǵaratyn – 2 meıramhana, kúnine 1 ret – 8 meıramhana anyqtalǵan. BKM boıynsha aınalymdary bolmaǵan 24 meıramhana anyqtaldy.

Bul rette, Nur-Sultan, Almaty jáne Shymkent qalalary boıynsha atalǵan saladaǵy salyq tóleýshilerdiń 18 paıyzy 2018 jylǵy deklarasııasynda jylyna 1 mln. tengege deıin nemese kúnine 3 000 tenge mólsherinde kiris kórsetken.

Salyq mindettemelerin tolyq kólemde oryndamaıtyn barlyq salyq tóleýshilerge memlekettik kirister organdary buzýshylyqtardy joıý týraly habarlama joldady. Osyndaı taldaý basqa oblystar boıynsha da júrgizilýde, dep atap ótti Jánibek Nurjanov.

MKK salyqtyq baqylaý maqsatyndaǵy táýekeli joǵary topqa qosylýyn boldyrmaý úshin, meıramhanalar men qoǵamdyq tamaqtandyrý salasynda qyzmet kórsetetin salyq tóleýshilermen qoldanystaǵy zańnamalardyń talaptaryn oryndaý, salyqtyq eseptilikte naqty kiristeri men jaldamaly qyzmetkerlerinyń sanyn kórsetý qajettiligine nazar aýdarady. 
Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar