Qolyńmen jasaǵandy moınyńmen kóter

Juma, 19 sáýir 2013 0:40

Memlekettik qyzmetkerler arasynda zańǵa moıynsynbaýshylyq, Ar-namys kodeksi talaptaryn óreskel buzýshylyq áli de jıi kezdesedi. Oblystyq tártiptik keńes jyl basynan beri talaı sheneýnikti sabasyna túsirip, basqalarǵa sabaq bolarlyq shara kórdi.
Jambyl aýdanynyń prokýrory Shoqan Quldanovtyń habarlamasy tártiptik keńes músheleriniń jaǵalaryn ustatqandaı boldy. Ol Blagoveshenka aýyldyq okrýginiń ákimi Turmys Imanjanovtyń kinásin bultartpas aıǵaqtarmen dáleldep berdi. Sóıtse, aýyl ishinde qyzmettik kólikti júrgizip kele jatqan ony jol polıseıleri toqtatyp, ishimdik iship alǵanyn anyqtaǵan. Ákimshilik hattama aýdandyq sotqa jiberilip, 2 jylǵa kólik júrgizý quqynan aıyrylǵan. Onyń monshadan keıin jarty bótelke syra ishkenimdi ja­syrmaımyn.

Juma, 19 sáýir 2013 0:40

Memlekettik qyzmetkerler arasynda zańǵa moıynsynbaýshylyq, Ar-namys kodeksi talaptaryn óreskel buzýshylyq áli de jıi kezdesedi. Oblystyq tártiptik keńes jyl basynan beri talaı sheneýnikti sabasyna túsirip, basqalarǵa sabaq bolarlyq shara kórdi.
Jambyl aýdanynyń prokýrory Shoqan Quldanovtyń habarlamasy tártiptik keńes músheleriniń jaǵalaryn ustatqandaı boldy. Ol Blagoveshenka aýyldyq okrýginiń ákimi Turmys Imanjanovtyń kinásin bultartpas aıǵaqtarmen dáleldep berdi. Sóıtse, aýyl ishinde qyzmettik kólikti júrgizip kele jatqan ony jol polıseıleri toqtatyp, ishimdik iship alǵanyn anyqtaǵan. Ákimshilik hattama aýdandyq sotqa jiberilip, 2 jylǵa kólik júrgizý quqynan aıyrylǵan. Onyń monshadan keıin jarty bótelke syra ishkenimdi ja­syrmaımyn. Mekteptegi qa­zandyq isten shyqty degen sýyt habar jetken soń rýlge otyrǵanym ras. Áıeli aýyryp qalǵandyqtan, júrgizýshi su­ra­nyp ketken edi, degen sózi eshkimdi ılandyra qoımady. О́ıt­keni, talqylaý barysynda sot sheshimine qarsy talap aryz túsirmegeni belgili boldy. Qystyń sýyǵynda tún qatyp, memlekettik qyzmette júrgenin kóldeneń tartyp, qansha aqtalsa da, qatań sógis arqalaýyna týra keldi.

Al Tımırıazev aýdany­ Mı­chýrın aýyldyq okrýgi appa­ra­tynyń jetekshi mamany Galı­na Vasılenkonyń myna áre­keti eki jep, bıge shyqpaq bol­ǵan pysyqaıdyń tirligine kelińkireıdi. Aýrýhanada sta­sıon­arlyq em-dom alyp jatqa­nyna qaramastan, qandaı túlen túrtkenin kim bilsin, eńbek tabe­li­ne tolyq jumys kúnderin qon­dyryp qoıýdy umytpaǵan. Sóıt­se, býhgalterdiń bolmaǵanyn jeke bas múddesine utymdy paıdalanyp, 126 myń teńgeni qaltaǵa basqan. Osylaısha, óz ókilettigin asyra siltep júrip quryqqa qalaı ilingenin bilmeı qalǵan. Ony qyzmetinen shettetýge sheshim alyndy.

Taıynsha aýdandyq bilim bóliminiń bastyǵy Erkin Orazov ta zańdy belden basqany úshin tıisti jazasyn alyp, qyzmetinen bosatylatyn boldy. Ol oqýshylardyń oqý ornyn ózgertýine ata-analardyń arnaıy ruqsaty mindettiligin bile tura, aqyldasýdy jón kórmegen. Aýdan ortalyǵynda typ-tynysh oqyp jatqan eki oqýshyny negizgi mektepke aýystyrý týraly mektep dırektorlarynyń ótinishine elp ete qalǵan. Onyń bul pıǵylynyń arǵy jaǵynda balalardyń sanyn qoldan kóbeıtý arqyly bilim úılerin esh sebepsiz saqtap qalý áreketi jatqany áshkerelendi.
Tártiptik jaýapqa tar­tyl­ǵandardyń arasynda máseleni baıyppen, ádeppen sheshýdiń ornyna, balabaqshanyń búl­dirshinderi tárizdi tóbe­lese ketýge qumartyp turatyndary joq emes. Olardyń qata­ryna Taıynsha aýdany, Dra­gomırovka aýyldyq okrýginiń ákimi Ádilbek О́teýbaev pen Kellerovka aýyldyq okrýgi apparatynyń bas mamany Dmıtrıı Zaı­nýl­lındi qosýǵa bolady. Bul ekeýiniń ózara eregisine jol­dyń qardan tazalanbaýy sebep bolǵanǵa uqsaıdy. Sirá, kúshteri boılaryna syımaǵan bolýlary kerek, aldymen bylapyt sózdermen aıyzy qanǵansha balaǵattasyp alyp, onyń sońy rıngtegi boksshylardyń alma-kezek soqqylaryna ulasyp ketken. Sot sheshimimen eki tarap beıbit ymyraǵa kelse de, jýan judyryq ıeleriniń birine qatań sógis, ekinshisine sógis jarııalandy.
«Bir qyzym bir qyzymnan soraqy» demekshi, Petropavl qalalyq ákimdigi zań bóliminiń bas mamany Janat Rahmetovtiń myna áreketi memlekettik qyzmetkerdiń abyroı-bedeline úlken nuqsan keltirgeni anyq. Atap aıtqanda, jer ınspeksııa­syna jalǵan uıǵarym ázirleý maqsatymen nebir qıturqylyqqa barǵan. Ol úshin arnaıy blankke qala prorýrorynyń qolyn qoıý­dan shimirikpegen. Onyń ózine taǵylǵan kináni moıyn­daý­dan bas tartqanyna qara­mastan, zań talaptaryn óres­kel burmalaýy sot-medısına saraptamasynyń qory­tyn­dysy arqyly qýattalǵan.
Oblystyq tártiptik keńes músheleri aldaǵy ýaqytta da tártip pen talapty odan ári qataıtyp, memlekettik qyzmetkerlerdiń zańǵa degen qurmet sezimin nyǵaıtýdy basty maqsat etip otyr.
О́mir ESQALI,
«Egemen Qazaqstan».
Soltústik Qazaqstan oblysy.