Qala ákimdigi Baspasóz qyzmetiniń málimeti boıynsha,Alataý aýdanyna jumys saparymen barǵan Baqytjan Saǵyntaev kólik ınfraqurylymyn, turǵyn úı salýdyń qarqynymen, energetıkalyq keshenderdi modernızasııalaý barysymen tanysty. О́rtke qarsy qyzmetti damytý, balalardyń oıyn alańdarynyń, ásirese batýttardyń qaýpsizdigin qamtamasyz etý máselelerin de talqylady. Qala turǵyndary úshin avtobýs jelilerin damytý máselesi de ózekti. Osyǵan baılanysty qalada eki júz avtobýsqa arnalǵan №3 avtopark jáne jeke tasymaldaýshynyń 130 avtobýstyq bazasy salynýda. Ákim kásiporyn basshylarymen baǵyttardy sýbsıdııalaý, jyljymaly sostavty jańartý jáne júrgizýshiler men basqa mamandyq ıelerin daıyndaý máseleleri talqylady.
Avtobýstar jańaryp, qalalyqtardyń sapaly qyzmetke degen suranysy artýda, demek tasymaldaýshylar qyzmetiniń joǵary bolýyna qatysty másele qozǵaǵan qala basshysy kolledjdermen birlese jumys istep, júrgizýshilerdiń, mehanıkterdiń, elektrıkterdiń, jáne basqa da mamandyq ıeleriniń jetispeýshiligin sheshý qajettigine toqtaldy.
Búginde Almatyda áleýmettik jaǵynan az qamtylǵan topty turǵyn úımen qamtamasyz etý jáne ınfraqurylymdy damytý máseleleri de sheshimin taýyp keledi. Osy oraıda qolǵa alynǵan Alǵabas móltek eldi mekenindegi turǵyn úı qurylysynyń barysymen tanysqan qala basshysy móltek aýdandardy ortalyqtandyrý prınsıpi boıynsha damytý ári qajet barlyq áleýmettik ınfraqurylymdardyń jaqyn ornalasýy tıis ekendigin atap kórsetip, turǵyn-jaı aýmaǵynda skver, emhana, tipti dúken qarastyrylmaǵandyqtan, keıingi jobalardyń birinshi qabattaryna áleýmettik nysandardyń ornalasýyn qarastyrýdy tapsyrdy.
Qala basshysy sonymen qatar aýanyń lastanýyn azaıtýǵa qatysty sharalarmen tanysyp, tıisti qyzmetterge qysqa merzim ishinde naqtyly usynystar berýdi tapsyrdy.
