Salyq tólemderine qatysty málimetterdi jarııa etken kiris komıtetiniń ókilderi jetisýlyq 5219 jeke tulǵa 29,0 mln teńge somasyndaǵy múlik salyǵyn tólemegen. Al jer salyǵy boıynsha 631 jeke tulǵanyń 2,0 mln teńge qaryzy bar. Kólik quraldaryna salynatyn salyq boıynsha da 108 036 jeke tulǵanyń 2 159,0 mln teńge shamasynda bereshegi bar eken.
- Bul qaryzdardyń kóbi burnaǵy jyldardan beri qordalanǵan somalar. 2018 jyl úshin jeke tulǵalardyń múlik salyǵyn, jer salyǵyn tóleý merzimderi 2019 jylǵy 1 qazanǵa keledi. 2018 jylǵa kólik salyǵyn tóleý merzimi 2018 jyldyń 31 jeltoqsanynda ótip ketti, al 2019 jylǵa kólik salyǵyn 2019 jyldyń 31 jeltoqsanynan keshiktirmeı tóleý qajet. Qazir jazǵy maýsym. Demalys ýaqyty bastalǵannan keıin kóptegen adam shetelde demalýdy josparlaıdy, sonda salyq bereshegi bolǵan jaǵdaıda olarǵa shetelge shyǵý qıyndyq týǵyzady. Sondyqtan, jeke tulǵalar salyq boıynsha bereshektiń bar-joǵyn tekserýi qajet. Eń durysy salyqty ýaqtyly tóleý, -deıdi Almaty oblysy boıynsha memlekettik kirister Departamenty basshysynyń orynbasary Aıdyn Saýdanbekov.
Almaty oblysy
