Sport • 05 Shilde, 2019

Jas balýandar elordaǵa jınaldy

194 ret kórsetildi

Keshe Nur-Sultanda kúres túrlerinen kadetter arasyndaǵy Azııa birinshiliginiń jalaýy jelbiredi. 7 shildege deıin sozylatyn básekege 19 memleketten, ıaǵnı Qazaqstannan bólek, Qytaı, Ońtústik Koreıa, Úndistan, Iran, Irak, Japonııa, Saýd Arabııasy, Sıngapýr, Iordanııa, Qyrǵyzstan, Túrikmenstan, Mońǵolııa, Soltústik Koreıa, Sırııa, Taıpeı, Tájikstan, Taıland jáne О́zbekstannan kelgen 308 balǵyn balýan baq synap jatyr.

Azııa birinshiliginiń qarsa­ńynda elordadaǵy «Dáý­let» sport kesheninde Respýb­lı­kalyq kúres federasııasy basshylyǵynyń qatysýymen baspasóz máslıhaty ótti. Jıyn­ǵa UWW (Birikken kúres álemi) vıse-prezıdenti Ahrold­jan Rýzıev, UWW Azııa fe­derasııasynyń prezıdenti Dáýlet Turlyhanov, UWW teh­­nı­kalyq dırektory Pıter Ba­ka, Mádenıet jáne sport mı­nıstrligi Sport jáne dene shynyqtyrý isteri komıtetiniń tóraǵasy Serik Sápıev jáne birinshilikti uıymdastyrý komı­tetiniń tóraǵasy, Qazaq­stannyń kúres túrleri boıynsha vıse-prezıdenti Erlan Qojasbaı qatysty.

Eń birinshi bolyp sóz alǵan UWW (Birikken kúres álemi) vıse-prezıdenti Ahroldjan Rý­zıev kadetter arasyndaǵy Azııa birin­shiliginiń joǵary deńgeıde uıymdastyrylyp jatqanyn aıtty. «Osydan eki jyl buryn Azııa chempıonaty men álem chempıonatyn ótkizýdi Qazaqstan astanasyna ber­ge­nimizde «uıym­­dastyrý jaǵy qalaı bolar eken» degen ishteı kúdik bolǵanyn jasyrmaımyn. Bi­raq Nur-Sultanǵa kelgende birinshiliktiń joǵary deńgeıde uıymdastyrylǵanyn kórip, tańǵaldym. Kadetter ara­syn­daǵy jarys osy jyldyń qyr­kúıek aıynda ótetin álem chem­pıonatyna daıyndyq re­tinde uıymdastyrylyp jatyr. Álem chempıonaty budan da joǵary dárejede ótetinine kó­zim tolyq jetip otyr», dedi ol.

Qazaqtyń dańqty balýany, Seýl Olımpıadasynyń kúmis júl­degeri, álem jáne Eýropa chem­pıony Dáýlet Turlyhanov kadetter arasyndaǵy Azııa chempıonatyna qatysyp jatqan balýandarǵa sáttilik tilep, mundaı baıraqty básekeniń eli­­mizde ótip jatqany biz­diń el úshin úlken abyroı ek­enin jetkizdi. «Olımpıada baǵdarlamasyna engen kúres túrlerinen kadetter arasyndaǵy Azııa chempıonatynyń elimizde ótip jatqanyna qýanyshtymyn. Qa­zaqstan kúres federasııasy álem­de júıeli túr­de damyp ke­le jatqan federa­sııalardyń biri. Muny Birikken kúres álemi de moıyndaıdy. Bıyl qyrkúıek aıynda elordada álem chempıonaty ótedi. Bul birinshiliktiń ereksheligi – kelesi jyly Tokıoda ótetin Olımpııa oıyndaryna joldama beredi. Sonymen qatar bul chempıonat Qazaqstan úshin de erekshe bolmaq. О́ıtkeni bizdiń grek-rım balýandarynyń altyn júlde almaǵanyna da 20 jyl bolypty. Bıyl balýandarymyz osy olqylyqtyń ornyn toltyryp, altyn medalmen jankúıerlerdi qýantady dep senemin», dedi Dáýlet Turlyhanov.

Elimizde alǵash ret ótetin álem chempıonatyna daıyndyq týraly uıymdastyrý komıtetiniń jetekshisi, grek-rım, erkin jáne áıelder kúresi federasııasynyń vıse-prezıdenti Erlan Qojasbaı aıtyp berdi. «Qyrkúıektegi chempıonatqa 3500 akkredıtasııadan ótken qatysýshy keledi dep kútip otyrmyz. Olardyń arasynda balýandar, bapkerler, dárigerler, jýrnalıster, halyq­aralyq Olımpıada komı­tetiniń ókilderi, sport fýnk­sıonerleri bar. Odan bólek, chempıonatty tamashalaý úshin kórermen kóp jınalady dep úmittenemiz. Álemniń túkpir-túkpirinen keletin kúres jankúıerleri bizdiń respýb­lıkanyń bas qalasyna jınalatyn bolady. Biz Qytaıda ótken sońǵy Azııa chempıo­natynyń brodkastıng boıynsha sandyq kórsetkishin suratyp aldyq. Ondaǵy málimetke sáıkes, TV jáne jelidegi vıdeolar boıynsha qurlyq birinshiligi 430 mln ret qaralǵan», deıdi federasııanyń vıse-prezıdenti.

Jalpy, elordada ótip jatqan kadetter arasyndaǵy Azııa chem­­pıo­natynda balýandar 10 salmaq dárejesinde beldesýde. Jarystyń alǵashqy kúninde grek-rım kúresiniń balýandary 45, 48, 51, 55, 60, 92 jáne 110 kılo salmaqta beldesip, ózara kim myq­tyny anyqtady. Al búgin grek-rım kúresinen 65, 71, 80 kılo salmaqta balýandar bozkilemge shyqsa, qyzdar kúresinen 40, 46, 53, 61, 69 kılodaǵy burymdylar synǵa túsedi.

Byltyr О́zbekstan astanasy Tashkentte ótken kadetter arasyndaǵy dodada qazaqstandyq balýandar kúres túrlerinen 16 medal jeńip alǵan bolatyn. Grek-rım kúresinen eki altyn, bir kúmis, jeti qola medal, er­kin kúresten jeti kúmis jáne bir qola, al qyzdar kúresinen úsh qola ıelengen-di.

 

Sońǵy jańalyqtar

Dollar qaıta kóterildi

Qarjy • Búgin, 16:35

BQO-da Astana kúni atap ótiledi

Elorda • Búgin, 15:59

Almaty qalasy «sary» aımaqta

Koronavırýs • Búgin, 10:28

Uqsas jańalyqtar