«Arysqa arnaıy baryp, áleýmettik nysandar men turǵyn úılerdi qalpyna keltirý jumystarymen tanystym. Tótenshe jaǵdaıdan úıleri zardap shekken otbasylarmen kezdesip, eshkimniń nazardan tys qalmaıtynyn, memleket tarapynan bárine birdeı qoldaý kórsetiletinin aıttym», dedi B. Baıbek.
Sondaı aq, Elbasy men Memleket basshysynyń tapsyrmasyna sáıkes naqty sharalar júzege asatynyn jazdy.
«Nur Otan» partııasynyń birinshi orynbasary partııa tarapynan qoǵamdyq baqylaý kúsheıtiletinine toqtaldy.
«Apattyń zardaptaryn joıýǵa búkil el bolyp jumylýda. Qazirdiń ózinde júzden astam qurylys kompanııalary men myń jarymnan astam maman kelip, jumysty bastap ketti. Qıraǵan úılerdiń barlyǵyn 1 tamyzǵa deıin tapsyrý josparlanyp otyr. Bul iste «Nur Otan» partııasy tarapynan qoǵamdyq jáne partııalyq baqylaý kúsheıtiledi. Apta saıyn qalpyna keltirý jumystarynyń barysy týraly aqparattar jarııalanyp otyrady», dep jazdy ol.
Sonymen qatar jasotandyqtarǵa erekshe alǵysyn bildirdi.
«Olar eriktiler retinde alǵashqylardyń biri bolyp apat bolǵan jerge kelip, Arystaǵy aǵaıynǵa naqty kómek kórsetýde. Bul naǵyz otanshyldyq pen azamattyqtyń jarqyn kórinisi. Arys, biz birgemiz!», dep jazdy B. Baıbek.
