Partııa aldynda turǵan basty mindetter anyqtaldy

Aldymen ol elimiz damýdyń jańa kezeńine qadam basqanyn aıtyp, soǵan baılanysty partııanyń aldyndaǵy aýqymdy mindetterge nazar aýdardy. Onyń aıtýynsha, partııa únemi ilgeri jyljyp, qoǵamnyń talaptaryna saı damyp otyrýy kerek.

– Bizdiń partııa barsha qazaqstan­dyq­tardy biriktiretin elimizdegi eń bas­ty kúsh. Biz halyqty estı de, tyńdaı da bi­lýimiz qajet. Bul – Elbasy, partııa Tór­aǵasynyń tikeleı tapsyrmasy. Son­dyqtan adam quqyqtary men erkindigin qorǵaý, laıyqty ómir súrý deńgeıin qam­tamasyz etý, eldiń muń-muqtajyn tyńdap, ony oń sheshý, qashanda elmen etene bolý partııa jumysynyń basym baǵyty, – dedi B.Baıbek.

Sonymen qatar ol Elba­sy­nyń bar­lyq strategııalyq baǵdar­la­malary men Qazaqstan Prezıdenti Qasym-Jo­mart Toqaevtyń saılaýaldy baǵdar­lama­synyń júzege asyrylý barysyna partııalyq baqylaýdy kúsheıtý kerek­tigin aıtty. Aldaǵy ýaqytta bar­lyq partııalyq jobalar qaıta qara­lyp, halyqtyń ómirin jaqsartýǵa baǵyt­tal­ǵan naqty bastamalar boıynsha jumystar jandana túspek.

Úkimettiń jumysyna da tıimdi par­tııalyq baqylaý júrgizilip, mınıstrler men ákimderdiń tek memlekettik organdardyń basshylary retinde ǵana emes, partııa múshesi retinde de jaýapkershiligi arta túsedi. Bul sózdiń Parlament pen barlyq deńgeıdegi más­­lıhattardaǵy depýtattyq frak­sııa­larǵa da qatysy bar.

– Bizdiń basty mindet – halyqtyń senimin kúsheıtý. О́ıtkeni biz halyqtyń partııasymyz. Sondyqtan biz sannan sapaǵa basymdyq berip, partııa qatarynda belsendi túrde «tazalaý» jumystaryn júrgizemiz, – dedi partııa Tóraǵasynyń birinshi orynbasary.

Sondaı-aq B.Baıbek partııanyń pikir­­talas alańdarynda qoǵamdy alań­dat­qan máselelerdi ashyq ári naqty aıtýy ke­rektigin nazarǵa aldy. Odan bólek, par­tııa aldaǵy ýaqytta úkimettik emes uıym­darmen jumysqa da basa mán bermek.

– Nur Otan saıası, biraq úkimettik emes uıym. Sondyqtan biz úkimettik emes uıymdarmen baılanysty kúsheı­tip, olarǵa jaǵdaı jasaýymyz kerek. Ásirese, Almaty sııaqty iri qalalarda bul basymdyqtyń mańyzy zor. Bizdiń qo­lymyzda bılikke áser ete alatyn tetikter bar. Sony tıimdi paıdalanýymyz qajet. Osyǵan oraı Memleket basshysy partııaǵa Ulttyq qoǵamdyq senim keńesiniń jumysyna belsendi qatysýdy tapsyrdy, – dedi B.Baıbek.

Jıyn barysynda taıaýda ǵana Al­ma­ty qalasynyń ákimi bolyp taǵaıyn­dalǵan Baqytjan Saǵyntaev partııa ak­tıviniń biraýyzdan qoldaýymen qa­lalyq partııa fılıalynyń tóraǵasy bolyp saılandy.

ALMATY