Sport • 09 Shilde, 2019

BAQ league: «Egemen» kýbogy sarapqa salynady

530 ret

kórsetildi

2 mın

oqý úshin

Nur-Cultan qalasynda shaǵyn fýtboldan jýrnalıster arasyndaǵy BAQ league birinshiliginiń altynshy maýsymy bastaldy. «Egemen Qazaqstan» gazetiniń 100 jyldyq mereıtoıyna arnalǵan Jýrnalıster lıgasyna qatysýǵa bıyl 17 komanda ótinish bildirdi.

Álı BITО́RE

BAQ league: «Egemen» kýbogy sarapqa salynady

Jarystyń resmı ashylý saltanatyna «Egemen Qazaqstan» respýblıkalyq gazeti» AQ basqarma tóraǵasy Darhan Qydyráli qatysyp, uıymdastyrý alqasy men týrnırge qatysatyn jýrnalısterge sáttilik tilep, eń myqty ujymnyń jeńiske jetýine tilektestigin bildirdi.

BAQ league – Qazaqstan jýrnalıstıkasynyń tarıhyndaǵy tuńǵysh jáne jalǵyz tolyqqandy fýtbol birinshiligi. Bul joba jýrnalıster arasyndaǵy yntymaqtastyq pen dostyqty arttyryp, jańa tanystar tabýǵa jol ashyp, redaksııa ishindegi tatýlyqty kúsheıtedi. BAQ league brendimen BAQ ókilderi arasyndaǵy shaǵyn fýtbol birinshilikteri Nur-Sultan qalasynan bólek, Almaty jáne Aqtaý syndy qalalarda da uıymdastyrylady. Al elordamyzda ótetin BAQ league birinshiligine apta saıyn Almaty, Qaraǵandy, Qostanaı, Pavlodar, Shymkent qalalarynyń da jýrnalısteri kelip qatysady. Bul – lıganyń qarqyndy damyp jatqanynyń jáne jýrnalıster qaýymy arasynda mańyzy artqandyǵynyń belgisi. Búginde BAQ league ár maýsym saıyn 30-dan asa BAQ redaksııasy men 300-den astam jýrnalıstiń basyn biriktiretin eleýli jobaǵa aınaldy.

2018 jyldan bastap jýrnalıster birinshiligi eki lıgaǵa bólingen. «A» lıgasynyń komandalary júldeli oryndardy ózara sarapqa salsa, «V» lıgasynyń komandalary Joǵary toptyń joldamalaryna talasady. Altynshy maýsym 2019 jyldyń 7 shildesinde bastalyp, 1 qyrkúıegine deıin jalǵasady. Sondaı-aq lıga oıyndarymen qatar jýrnalıster «Egemen Qazaqstan» gazetiniń kýbogyn da sarapqa salady. Oıyndar elordadaǵy «Tarlan Arena» sport kesheninde ótedi. Lıganyń ashylý saltanatynda 100-ge jýyq jýrnalıst jasyl alańda júz sanyn fleshmob arqyly beınelep, «Egemenniń» 100 jyldyǵyna tartý jasady.