Qur tamashalaǵan joq, belgili arheologtarmen birge ózderi de qorǵandardy qazý jumystaryna atsalysty. Eleke sazy qorymynda balalar tarıh ǵylymdarynyń doktory, ál-Farabı atyndaǵy Qazaq ulttyq ýnıversıteti tarıh jáne arheologııa kafedrasynyń meńgerýshisi, arheolog Ǵanı Omarovpen tanysyp, emin-erkin áńgime-dúken qurdy. О́zderin tolǵandyrǵan suraqtaryn qoıdy. Al XVII ǵasyrda salynǵan Ablaıkıt bekinisinde Á.Marǵulan atyndaǵy Arheologııa ınstıtýtynyń ǵylymı qyzmetkeri Erlan Qazızov pen Japonııanyń Nante ýnıversıtetiniń tarıh jáne geografııa professory Mark-Olıver Perýdiń jetekshiligimen jas zertteýshiler qorǵannyń syrtqy jáne ishki qabyrǵasy boıyndaǵy qazba jumystaryna qatysty. «О́ńirimizdegi ejelgi qorǵandardy qazý kezinde álem ǵalymdaryn tańǵaldyrǵan sensasııalyq ǵylymı-arheologııalyq jańalyqtar ashylǵany málim. Arheologııa ádisterin zertteý balalar úshin de óte qyzyq. Mundaı shara jas urpaqty týǵan ólkeniń mádenı-tarıhı murasymen keńinen tanysýǵa múmkindik beredi», deıdi «Daryn» óńirlik ǵylymı-praktıkalyq ortalyǵy dırektorynyń mindetin atqarýshy Gaýhar Rahymjanova.
