Eki kásiporynnyń tusaýy kesildi
Juma, 18 qańtar 2013 7:29
Údemeli ındýstrııalyq-ınnovasııalyq damý baǵdarlamasy el ekonomıkasynyń ilgerileýine serpin beredi. Sondyqtan da Elbasy Nursultan Nazarbaev «Qazaqstan -2050» Strategııasy – qalyptasqan memlekettiń jańa saıası baǵyty» atty Joldaýynda údemeli ındýstrııalyq-ınnovasııalyq damý baǵdarlamasyn burynǵydan da keńeıtý jáne damytý máselesine basa nazar aýdardy. Joldaýda munaı-gaz qorlaryna táýeldi emes qýatty ındýstrııa qurý qajettigi alǵa tartyldy. О́ńirde Memleket basshysy alǵa qoıǵan mindetterdi júzege asyrý boıynsha salmaqty jumystar júrgizilýde. Jańa jyl qarsańynda paıdalanýǵa berilgen eki kásiporyn osyndaı izdenisterdiń naqty mysaly.
Juma, 18 qańtar 2013 7:29
Údemeli ındýstrııalyq-ınnovasııalyq damý baǵdarlamasy el ekonomıkasynyń ilgerileýine serpin beredi. Sondyqtan da Elbasy Nursultan Nazarbaev «Qazaqstan -2050» Strategııasy – qalyptasqan memlekettiń jańa saıası baǵyty» atty Joldaýynda údemeli ındýstrııalyq-ınnovasııalyq damý baǵdarlamasyn burynǵydan da keńeıtý jáne damytý máselesine basa nazar aýdardy. Joldaýda munaı-gaz qorlaryna táýeldi emes qýatty ındýstrııa qurý qajettigi alǵa tartyldy. О́ńirde Memleket basshysy alǵa qoıǵan mindetterdi júzege asyrý boıynsha salmaqty jumystar júrgizilýde. Jańa jyl qarsańynda paıdalanýǵa berilgen eki kásiporyn osyndaı izdenisterdiń naqty mysaly.
«Kóktas Aqtóbe» aksıonerlik qoǵamy iske qosqan qaǵaz jáne karton óndirý úshin qaıtalama shıkizat óńdeıtin sehtyń jyldyq qýaty 1200,0 tonnany quraıdy. Joba quny 180,0 mıllıon teńge turady. Munda jańadan 15 jumys orny ashyldy. О́ndiriste Reseıdiń «Impýls» NPK» kompanııasynyń osy zamanǵy ozyq tehnologııasy qoldanylady. Bul joǵary sapaly ónim óndirýge múmkindik beredi. Kásiporynnyń artyqshylyǵy qymbat emes óz shıkizatynyń bolýy, sehtyń shyǵyndyǵy jáne ishki qajettilikti óteıtindigi de oryndy. О́ńdelgen qaǵaz ónimderi aksıonerlik qoǵamnyń bólimshelerinde paıdalanylady, sondaı-aq, aımaqtyń basqa da tutynýshylarynyń suranysyn óteıdi. «Bıznestiń jol kartasy-2020» baǵdarlamasy aıasynda bul kásiporynǵa 1,7 shaqyrym kirme joldardy qaıta jaraqtandyrý jáne salýǵa 58,0 mıllıon teńge memlekettik qoldaý kórsetildi. Eń bastysy, endi kez kelgen jerde shashylyp jatatyn qaǵaz qaldyqtary kádege asyrylady.
Ekinshi kásiporyn, ol – «Bekarys» JShS iske qosqan kvarstan jasandy tas óndiretin zaýyt. Zaýyttyń jyldyq qýaty ártúrli assortımenttegi 84,0 myń sharshy metr jasandy tas shyǵarýǵa múmkindik beredi. Quny 247,0 mıllıon teńge bolatyn jobany júzege asyrý 22 jańa jumys ornynyń ashylýyna alǵyshart jasady. Munda Italııannyń «Bretonstone» fırmasynyń tehnologııasyna negizdelgen Qytaıdyń «Rýston» kompanııasynyń qondyrǵysy ornatylǵan. Osy zamanǵy zaýyttyń Qazaqstanda teńdesi joq. Bolashaqta zaýyttyń ónimderin Atyraý, Mańǵystaý jáne Batys Qazaqstan oblystaryna ótkizý kózdelýde. О́ndiristik qýat arta kele, ótkizý aımaǵy da keńeıe túspek. Bul kásiporynnyń ashylýyna da «Bıznestiń jol kartasy-2020» baǵdarlamasy boıynsha qoldaý kórsetilgen eken. «BTA bank» AQ 110,0 mıllıon teńge nesıeniń prosenttik stavkasyn sýbsıdııalaıtyn bolypty. 27,2 mıllıon teńgege podstansasymen 2,4 shaqyrym elektr jelisi tartylyp berildi, 32,0 mıllıon teńgege 1,2 shaqyrym avtojol qaıta jaraqtandyryldy.
Baǵdarlama aıasynda osyndaı qoldaý-kómek alǵan jańa kásiporyndardyń tez arada óndiristik qýatyna shyǵýǵa múmkindigi mol. Jalpy, oblysta ótken jyly jalpy quny 4,5 mıllıard teńge bolatyn on úsh joba júzege asyrylyp, 451 jańa jumys orny ashyldy. Bul oblystyń ekonomıkalyq-áleýmettik damýyna qosymsha serpin berdi, óńdeý sektorynda joǵary tehnologııaly óndiris oryndarynyń qataryn kóbeıte tústi. Sondaı-aq, suranysqa ıe arzan daıyn ónimderge qoljetilimdilikti artyrdy.
Satybaldy SÁÝIRBAI,
«Egemen Qazaqstan».
Aqtóbe oblysy.
