Azyq-túlik molshylyǵy úshin
Juma, 18 qańtar 2013 7:39
Jýyrda Astana qalasy ákimdiginde elordaǵa azyq-túlik taýarlaryn jetkizý kólemin ulǵaıtý jáne elordanyń memlekettik jáne kvazımemlekettik qurylymdarynyń azyq-túlik beldeýi taýar óndirýshilerinen azyq-túlik satyp alýyn uıymdastyrý máselelerin talqylaǵan keńes ótti.
Juma, 18 qańtar 2013 7:39
Jýyrda Astana qalasy ákimdiginde elordaǵa azyq-túlik taýarlaryn jetkizý kólemin ulǵaıtý jáne elordanyń memlekettik jáne kvazımemlekettik qurylymdarynyń azyq-túlik beldeýi taýar óndirýshilerinen azyq-túlik satyp alýyn uıymdastyrý máselelerin talqylaǵan keńes ótti.
Oǵan Astana qalasy ákiminiń orynbasary Qanat Sultanbekov pen Aqmola oblysy ákiminiń orynbasary Qosman Aıtmuhanbetov, sonymen birge elordalyq birqatar qurylymdardyń, Aqmola oblysynyń saýda jáne qaıta óńdeý kásiporyndarynyń basshylary qatysty.
Astana qalasy mańyndaǵy azyq-túlik beldeýi qala radıýsynan 300 km. aýmaǵyn, tıisinshe Aqmola oblysynyń 17 aýdany men Qaraǵandy oblysynyń 4 aýdanyn qamtıdy. Azyq-túlik beldeýi shekarasynda Astana qalasymen qosa azyq-túlik óndirý jáne qaıta óńdeý salasyndaǵy 916 kásiporyn jumys isteıdi. Onyń 270-i iri jáne orta kásiporyndar.
Qazirgi tańda elordada 773 myńnan astam halyq turady desek, qalanyń áleýmettik mańyzdy azyq-túlikke jalpy suranysy 2012 jyly 545 myń tonnany (1 adamǵa eseptegende 704 kılo) quraǵan. Bul 2011 jylǵa qaraǵanda 30 myń tonnaǵa artyq.
Astana qalasynyń azyq-túlik beldeýin damytý aıasynda elorda jáne Aqmola oblysy ákimdikteriniń birlesýimen qajetti birneshe sharalar qabyldanǵan. Azyq-túlik beldeýi aımaǵynan jetkiziletin azyq esebinen Astana turǵyndarynyń tutyný qajettiligi: etke – 43%, onyń ishinde sıyr etine 53%; sút jáne sút ónimderine – 38%; taýyq jumyrtqasyna – 97%; kartopqa – 77%, kókóniske 32% qamtylady. Qabyldanǵan sharalar azyq-túlik beldeýi aımaǵynan áleýmettik mańyzdy ónimder jetkizý kólemin jalpy azyq-túlik tutyný kóleminen 35%-ǵa deıin ulǵaıýyna, óz óndiris kólemi 13% qurap, azyq-túlik beldeýi shegindegi ımport úlesi 2011 jylǵy 72%-dan 2012 jyly 52%-ǵa deıin tómendeýine múmkindik bergen. Jalpy, qabyldanyp otyrǵan sharalar azyq-túlik taýarlary ınflıasııasyn 2010 jylǵy 112,7%-dan 2012 jyly 107,3%-ǵa tómendetýge múmkindik jasaǵan
Keńeste otandyq kásipkerlermen osy jumys jasap turǵan bıznesti belsendi damytý jáne jetildirý, jańa baǵyttardy ıgerip, qala ekonomıkasyn tolyqtyrý qajettiligi atap kórsetildi. О́z kezeginde jergilikti atqarýshy organdar jer ýchaskesin bólýden bastap, óndiristiń ınfraqurylymyn júrgizýge, tipti óndirilgen ónimdi ótkizýge deıin barlyq kezeńder boıynsha jan-jaqty kómek, qoldaý kórsetpek.
Ábdirahman QYDYRBEK,
«Egemen Qazaqstan».
