Aımaqtar • 10 Shilde, 2019

Ulttyq Iаdrolyq Ortalyq mamandar daıyndaýda

138 ret kórsetildi

Ulttyq Iаdrolyq Ortalyq pen Japonııanyń JAEA agenttigi Kýrchatov qalasynda bas qosyp, atom energııasyn beıbit maqsatta paıdalaný úshin úılestirý komıtetiniń onynshy keńesin ótkizdi.

Bul joba Azııa elderindegi atom energetıkasyn damytýdaǵy nusqaýshy-muǵalimderdiń tobyn daıarlaýda asa qajet. Mamandardy daıyndaý eki bólimge bólingen.  QR UIаO mamandary JAEA-daǵy adam resýrsyn damytý Ortalyǵyna sapar shegip, ondaǵy Vetnam, Bangladesh, Taıland, Túrkııa, Malaızııa, Mońǵolııa, Indonezııa jáne Fılıppın elderiniń ókilderimen birge nusqaýshy kýrsynda oqıtyn bolady.

2010 jyldan beri qaraı 20 qazaqstandyq maman osy jerden oqyp shyqqan. Olar QR Ulttyq Iаdrolyq Ortalyǵynda japondyq sarapshylarmen birge jergilikti mamandardy da oqytyp jatyr. 2012 jyldan 2015 jylǵa deıin UIаO-da jyl saıyn eki kýrs ótkiziledi eken. Birinshisi: «Iаdrolyq jáne radıologııalyq apattarǵa daıyndyq» dep atalsa, ekinshisi: «Reaktorlyq tehnologııalar» dep atalady.  Bul kýrstarda júzdegen mamandar kásibı deńgeıin kóterip shyqqan. Úılestirý keńesinde osy oqý kýrstaryn damytý máselesi de qozǵalǵan.


Raýshan NUǴMANBEKOVA,                  

«Egemen Qazaqstan»

Kýrchatov

Sońǵy jańalyqtar

Almaty qalasynda jer silkindi

Aımaqtar • Keshe

Uqsas jańalyqtar