Bazarálıevtiń baılyǵy Aqaltekeden… Bekirege deıin
Juma, 25 qańtar 2013 7:07
Elge esimi belgili kásipker, oblystyq máslıhattyń depýtaty, «Lýgovoı jylqy zaýyty» JShS-nyń dırektory Halıt Bazarálıevtiń sharýashylyǵy, negizinen, asyl tuqymdy jylqylardy baǵýmen, baptaýmen jáne olardy tıimdi baǵaǵa satýmen shuǵyldanady. Atynyń ózi aıtyp turǵandaı, erterekte osy zaýyttyń Absent atty asyl tuqymdy aqaltekesi basqa rekordtary men júldelerin bylaı qoıǵanda, Rım Olımpıadasynyń chempıony (1960), Tokıo Olımpıadasynyń qola júldegeri (1964) atanyp, tipti Mehıko Olımpıadasynan da qur qaıtpaı, 4-orynǵa turaqtap, aty dúnıe júzine máshhúr bolǵan tekti de sulý janýar edi.
Juma, 25 qańtar 2013 7:07
Elge esimi belgili kásipker, oblystyq máslıhattyń depýtaty, «Lýgovoı jylqy zaýyty» JShS-nyń dırektory Halıt Bazarálıevtiń sharýashylyǵy, negizinen, asyl tuqymdy jylqylardy baǵýmen, baptaýmen jáne olardy tıimdi baǵaǵa satýmen shuǵyldanady. Atynyń ózi aıtyp turǵandaı, erterekte osy zaýyttyń Absent atty asyl tuqymdy aqaltekesi basqa rekordtary men júldelerin bylaı qoıǵanda, Rım Olımpıadasynyń chempıony (1960), Tokıo Olımpıadasynyń qola júldegeri (1964) atanyp, tipti Mehıko Olımpıadasynan da qur qaıtpaı, 4-orynǵa turaqtap, aty dúnıe júzine máshhúr bolǵan tekti de sulý janýar edi.
Degenmen, H.Bazaralıev búginde asyl tuqymdy jylqy sharýashylyǵymen ǵana aınalysyp qoımaı, sonymen birge óz múmkindigin basqa salalardan da izdestirip kórýde. Sonyń biri – balyq sharýashylyǵy. Bul iske ol zamanaýı tehnıka men tehnologııanyń arqasynda qol jetkizdi. Iаǵnı aýdannyń shóldi-shóleıtti aımaǵyna ornalasqan aýyldyń qasynan tereńdigi 250 metr jer asty sýyn shyǵaryp, shóldi óńirdi kóldi óńirge aınaldyrdy. Agronomııa ǵylymynyń tilinde «tamshylatyp sýarý» degen ádisti de ómirge ákeldi. Al sý bar jerde, ný bar, nýly jerde balyq bar. Bekire balyǵyn kóbeıtý bastamasy da osydan týǵan. Búginde Bazarálıevtiń bekireleri jasandy kóldiń ózinde-aq ýyldyryq shashyp, kóbeıip jatyr. Bir sharýashylyqqa 5 myń bekire ázirge az emes. Olar birer jyldyń bederinde budan birneshe ese kóbeıýi múmkin.
Sondyqtan bolar, ult dastarqany úshin tańsyq dám bolyp sanalatyn ónimdi óndirýge den qoıǵan kásipker, balyq ónerkásibin órkendetý úshin zaýytyna sheteldik qondyrǵylar ornatýda. Germanııadan ákelingen bul tehnologııa balyq etterin buqtyryp, qalbyrdan jasalǵan arnaıy ydystarǵa avtomatty túrde jabatyn bolady.
– Bekire balyǵyn bir ıgerip alsaq, ári qaraı jurt asa súısinip jeıtin qyzyl balyqty da ákelip, ony da kóbeıtetin bolamyz, – deıdi Halıt Bazarálıev myrza.
Berekeli azamat Bazarálıev basqaratyn Lýgovoı jylqy zaýytynda búginde aýdannyń myńnan astam adamdary eńbek etedi. О́ıtkeni, munda asyl tuqymdy aqalteke jylqylaryn baǵyp, kútýden basqa, iri qara men «talpaq tanaý» sharýashylyqtary da qatar damyǵan. Sondaı-aq, kásipkerdiń egin salasy men qurylys ındýstrııasy da órkendep tur. Al bıogaz ónerkásibi óz aldyna bir tóbe.
Qysqasy, Halıt Bazarálıevtiń aqaltekeden bekire balyǵyna deıingi baılyǵynyń qyzyǵyn taý men qumnyń ortasyn kólbep jatqan aýdan turǵyndary da bólisip, bir atanyń balasyndaı tatý-tátti eńbek etip jatyr.
Kósemáli SÁTTIBAIULY,
«Egemen Qazaqstan».
Jambyl oblysy,
Turar Rysqulov
atyndaǵy aýdan,
Kógershin aýyly.
Sýrette: Lýgovoı jylqy zaýyty keshenindegi Absent eskertkishi.
