Syr óńirine jumys saparymen barǵan «Nur Otan» partııasy depýtattyq fraksııasynyń músheleri, Májilis depýtattary Abzal Eralıev, Balaıym Kesebaeva, Baıdildá Jylqyshıev Taras Hıtýov «Balameken» jobasy aıasynda salynǵan turǵyn úıler qurylysymen tanystyp, turǵyndarmen júzdesti. Bul týraly Parlament Májilisiniń baspasóz qyzmeti habarlady.
Osydan birer aı buryn, «Báıterek» shaǵyn aýdanynda turmysy tómen kópbalaly otbasylar úshin 150 baspananyń qurylysy bastalǵan bolatyn.
Búginde qos páterli 100 otbasyna arnalǵan 50 úıdiń qurylysy aıaqtalyp, turǵyndar qonystanǵan. Jańa mekenniń alǵashqy qonystanýshylary – kópbalaly otbasylar. Solardyń biri 7 balanyń anasy Izimkúl Tursanova. Ol otbasynda bolǵan halyq qalaýlylaryna osyndaı qamqorlyq kórsetip otyrǵan Elbasyna alǵysyn jetkizýdi ótindi.
- Buǵan deıin páter jaldap qınalyp júrgenbiz. «Balameken» jobanyń arqasynda mine baspanaly bolyp otyrmyz. Kóship kelgenimizge bir aı boldy. Munda jaryq, sý, gaz, jol, telefon baılanysy barlyq jaǵdaı jasalǵan. Elbasyna, oblys basshylyǵyna osyndaı qamqorlyq kórsetip jatqanyna alǵys aıtamyn, – dedi Izimkúl Tursanova.
Elbasynyń halyqty áleýmettik qoldaý baǵytyndaǵy tapsyrmasynyń nátıjeli júzege asyrylýyna kóz jetkizgen Májilis depýtattary da joba aıasyndaǵy jumystarǵa oń baǵasyn berdi.
- Bizder jumys saparymen barlyq óńirlerde bolyp júrmiz. Alaıda kópbalaly analar úshin jasalǵan myndaı ıgilikti jobany tek Syr óńirinen kórip otyrmyz,- dedi Májilis depýtaty Balaıym Kesebaeva.
Aıta ketý kerek, turǵyn úı qurylysyn damytý maqsatynda sońǵy 6 jyl ishinde Qyzylorda qalasynyń ózinde 15 shaǵyn aýdan paıda bolǵan. Jańa aýdandardyń qurylysy da júrip jatyr. 2019 jyldyń sońyna qaraı Qyzylordanyń sol jaǵalaýynda 2 628 páterlik 13 kópqabatty turǵyn úı salynyp, oǵan 13 myń adamdy qonystandyrý kózdelip otyr. Elbasynyń 2018 jyldyń qańtaryndaǵy joldaýyna oraı, bolashaqta bir adamdy 30 sharshy metr baspanamen qamtamasyz etý máseleleri de josparda bar, – dedi halyq qalaýlylarymen birge bolǵan «Nur Otan» partııasy Qyzylorda qalalyq fılıaly tóraǵasynyń birinshi orynbasary Shárip Ábdirahmanov.
Janqosh Turarov álem chempıony atandy
Sport • Keshe
«Qajymuqannyń inisi». Túıe kótergen palýan
Qoǵam • Keshe
Tazy asyraýshy Prezıdentke Naýryz esimdi kúshikti syıǵa berdi
Prezıdent • Keshe
Ramazan aıynda qaı avtobýstar tegin qatynaıdy?
Qoǵam • Keshe
Tarazdyq polıseıler joǵalyp ketken 6 jasar balany tapty
Oqıǵa • Keshe
Astana qalasy boıynsha Qazynashylyq departamentine jańa basshy taǵaıyndaldy
Taǵaıyndaý • Keshe
Uqsas jańalyqtar
