Halyq qalaýlysy jumys sapary barysynda M. Jumabaev aýdanyna qarasty Noǵaıbaı aýylynda bolyp, eldi meken turǵyndarynyń turmysymen tanysty.
Aýyldyń gúldenýine osy jerdiń týmasy, aýdandyq máslıhattyń depýtaty, belgili mesenat, «Noǵaıbaı» JShS-niń dırektory Altynbek Saparov eleýli úles qosyp keledi. Kásipker osynda demalys saıabaǵyn ashyp, jastarǵa fýtbol jáne basketbol, sondaı-aq jattyǵý alańdaryn salyp berdi. Jyl saıyn áleýmettik salalarǵa 50 mıllıon teńge mólsherinde qarajat bólinedi.
«Noǵaıbaı – burynǵy keńshardyń bólimshesi retinde bolashaǵy joq dep tanylǵan bolatyn. Ony eldiń azamaty Altynbek Saparov seriktestik qurý arqyly saqtap qaldy. Ár aýylda osyndaı azamattar tirlik jasasa, aýyldar tozbaıdy, saqtalady ósip órkendeıdi. Soǵan meniń kózim jetip otyr», dedi Parlament Májilisiniń depýtaty.
Bıyl bul aýylǵa ońtústikten 3 otbasy kóship kelmek. Olar qonystanatyn baspanalar daıyn. Kúngeıden qonys aýdarǵan Bazarbaevtar otbasy sharýa qojalyǵynda eńbek etedi.
«2017 jyly kóship keldik. Qushaq jaıyp qarsy aldy. Jaǵdaıymyz jaqsy. Balalarymyz mektepte oqıdy, deıdi Aınur Bazarbaeva.
Munda byltyr feldsherlerlik ortalyq boı kótergen bolatyn. Medısınalyq pýnktti A. Saparov óz qarajatyna salyp beripti. Kúndizgi stansıonar jumys isteıdi. Dertine shıpa izdep kelgen turǵyndarǵa 3 dáriger medısınalyq qyzmet kórsetedi. Dári-dármek izdep, aýdan ortalyǵyna sabylmaıdy. Aýylda 100 adam turady, 24-i– balalar.
