«Bekire-2013» bastaldy
Seısenbi, 2 sáýir 2013 0:08
Jyl saıyn osy mezgilde «Bekire» aksııasy bastalady. Maqsat – Jaıyq-Kaspıı sý basseınindegi bekire tuqymdas balyqtar qoryna zańsyz qol suǵýshylyqty boldyrmaý. Bul aksııa keshe taǵy da bastaý aldy. Aksııanyń qamtıtyn aýmaǵy óte aýqymdy – Jaıyq-Kaspıı basseıniniń akvatorııasynda ótedi. Iаǵnı aksııa bastaýyn Batys Qazaqstan oblysynan alatyn Jaıyq ózeni men Mańǵystaý óńirin qosa alǵanda Kaspıı teńiziniń ózge memlekettermen shektesetin aýmaǵyn qamtıdy. Osyǵan oraı Jaıyq-Kaspıı oblysaralyq basseındik balyq sharýashylyǵy basqarmasynyń bastyǵy Álibek Buharbaevtyń aıtýynsha, Atyraý, Damby, Jylyoı, Isataı, Mahambet, Inder, Qurmanǵazy balyq ınspeksııalarynyń 86 ınspektory qatysady. Árıne, patrýldik qaıyqtardyń 10 birligin, 21 shaǵyn qaıyq pen 18 avtokólikti aksııanyń oıdaǵydaı ótýine tartý kózdelip otyr.
Seısenbi, 2 sáýir 2013 0:08
Jyl saıyn osy mezgilde «Bekire» aksııasy bastalady. Maqsat – Jaıyq-Kaspıı sý basseınindegi bekire tuqymdas balyqtar qoryna zańsyz qol suǵýshylyqty boldyrmaý. Bul aksııa keshe taǵy da bastaý aldy. Aksııanyń qamtıtyn aýmaǵy óte aýqymdy – Jaıyq-Kaspıı basseıniniń akvatorııasynda ótedi. Iаǵnı aksııa bastaýyn Batys Qazaqstan oblysynan alatyn Jaıyq ózeni men Mańǵystaý óńirin qosa alǵanda Kaspıı teńiziniń ózge memlekettermen shektesetin aýmaǵyn qamtıdy. Osyǵan oraı Jaıyq-Kaspıı oblysaralyq basseındik balyq sharýashylyǵy basqarmasynyń bastyǵy Álibek Buharbaevtyń aıtýynsha, Atyraý, Damby, Jylyoı, Isataı, Mahambet, Inder, Qurmanǵazy balyq ınspeksııalarynyń 86 ınspektory qatysady. Árıne, patrýldik qaıyqtardyń 10 birligin, 21 shaǵyn qaıyq pen 18 avtokólikti aksııanyń oıdaǵydaı ótýine tartý kózdelip otyr.
О́ńir aýmaǵynda 20 balyq qorǵaý beketi qurylady. Munyń 13-i turaqty jáne 7-ýi jyljymaly bolady. Beketterdiń 12-si Jaıyq ózeniniń saǵasynda, al 5-ýi Qurmanǵazy aýdanyndaǵy Qıǵash ózeniniń saǵasynda ornalaspaq, dep málim etti gazet tilshisine Jaıyq-Kaspıı oblysaralyq basseındik balyq qorǵaý basqarmasynyń bólim bastyǵy Oleg Týshkanov. Budan bólek, Kaspıı teńizinen zańsyz balyq aýlaýshylardyń jolyn kesý maqsatymen 3 jyljymaly beket te jumys jasamaq. Sondaı-aq, zańsyz aýlanǵan balyqtardy tasymaldaý faktileriniń aldyn alý úshin Atyraý, Batys Qazaqstan, Mańǵystaý oblystaryndaǵy halyqaralyq jáne respýblıkalyq mańyzy bar kólik joldarynda da jol polısııasy basqarmasymen birlesken tosqaýyl beketteri qoıylady.
Sý marjanyn zańsyz jolmen súzýshiler kólik quraldary ońaılyqpen bara almaıtyn tustardy panalap, eń júrdek sý kólikterin paıdalanatyny jıi baıqalyp júr. Sol sebepten balyq qoryn qorǵaýshylar aksııa aıasynda avıasııa múmkindigin paıdalanýdy josparlap otyr. Bekire tuqymdas balyqtardyń ýyldyryq shashý mekenine jetýi úshin sý aıdyny brakonerlik aý quraldarynan kún saıyn tazartylmaq. Bul aksııanyń nátıjeli bolýyna óńirlerdegi ishki ister departamenti men prokýratýra, qarjy polısııasy men shekarashylar da múddelilik tanytýdy kózdep otyr.
Brakonerlikpen bitispes kúres bir aksııa aıasymen shektelmeıdi. О́ıtkeni, zańsyz balyq aýlaýshylar qysta da, jazda da bekire tuqymdas baǵaly balyqtarǵa qol suǵýyn qoımaıdy. Jaıyq-Kaspıı oblysaralyq basseındik balyq sharýashylyǵy basqarmasynyń ınspektorlary jyl basynan beri brakonerlerden shamamen 21 tonna 163 kılo balyq túrlerin tárkilegen. Munyń ishinde 128 kılo sý marjany bekire tuqymdas baǵaly balyqtar tobyna jatady. Sonymen qatar, balyq qorǵaý zańdylyǵyn buzýǵa baılanysty 834 fakt anyqtalyp, 33 is quqyq qorǵaý organdaryna joldanypty. Demek, brakonerlikke qatysty mundaı derekter áli de molaıatyndyǵy daý týdyrmas.
Aıtpaqshy, bul aksııaǵa «Nur Otan» partııasy da qoldaý bildirmek nıetin tanytty. Partııanyń Atyraý qalalyq fılıaly janynan Baýyrjan Bımýrzın jetekshilik etetin baqylaý beketi qurylyp, brakonerlikpen kúreste sybaılas jemqorlyqtyń aldyn alýǵa qam jasap otyr.
Joldasbek ShО́PEǴUL,
«Egemen Qazaqstan».
Atyraý oblysy.
Sýretti túsirgen
Rahym QOILYBAEV.
