Atalǵan is-sharaǵa qalamyzdaǵy barlyq mekemeler men uıymdar qatysyp, óz úlesterin qosyp jatyr. Osy is-sharadan Semeı qalalyq Polısııa Basqarmasyna qarasty Áýezov polısııa bóliminiń qyzmetkerleri de qalys qalmaı, bir kisideı atsalysty.
- «Dostyq» úıinde «Arys, biz birgemiz!» aksııasy ótip, sonyń aıasynda aıasynda balalarǵa arnalǵan qaıyrymdylyq oıyn-saýyq baǵdarlamasy uıymdastyryldy,-dedi Semeı qalalyq Polısııa Basqarmasy baspsaózi qyzmetiniń jetekshisi Elýbek Ospanov,-qazirgi ýaqytta Arys qalasynan kelgen 60-qa jýyq bala jazǵy demalystaryn qala shetinde ornalasqan «Qaraǵaıly» shıpajaıynda ótkizip jatyr.
M. Áýezov atyndaǵy Polısııa bólimi Kadr saıasaty bóliminiń ınspektory polısııa leıtenanty Álııa Jumahanova bylaı deıdi:
-Biz jergilikti atqarýshy bılik uıymdastyrǵan qaıyrymdylyq, is-sharasyna qatysyp, arystyq balalarǵa syılyqtar jasap, kishkentaı balalardyń qýanyshyna bólenip jatyrmyz. Iá, bóbekterdiń rııasyz qýanyshyna sebepker bolýdan artyq eshteńe joq. Sebebi, balalar – keleshek tutqasy. Balalardyń qamyn bir kún emes, árdaıym oılaý asa mańyzdy. Búgingi is-sharanyń maqsaty – balalarǵa qýanysh syılaý. Bala ómirdiń qýanyshy. Búgingi urpaq – erteńgi bolashaǵymyz. El tutqasyn ustaıtyn qanshama bala ósip kele jatyr. О́zińiz qarańyzshy, olar búgingi is-sharaǵa qandaı qýanyshty. Olardyń júzderinen baqyttyń shýaǵy tógilip tur.
Kesh boıyna deıin sozylǵan meıirimdi is-shara shynynda da balalardyń jan saraıyn ashyp, júzderine kúlki úıiriltti. Uıymdastyrýshylardyń maqsaty da osy edi.
Raýshan NUǴMANBEKOVA
«Egemen Qazaqstan»
SEMEI
