Bir táýlik ishinde qurylysshylar Arys qalasynda taǵy 109 turǵyn úıdi tapsyrdy. 18 shilde kúngi málimetter boıynsha, qalpyna keltirilgen úılerdiń sany 1469-ǵa jetti.
Taǵy 4698 jeke turǵyn úı qurylysy men kópqabatty turǵyn úı nysandarynda jumystar jalǵasyp jatyr.
QR Indýstrııa jáne ınfraqurylymdyq damý mınıstrliginiń habarlaýynsha, Arys turǵyn úı qoryn qalpyna keltirýge eldiń 17 óńiri men respýblıkalyq mańyzy bar qalalardan 207 qurylys kompanııasy jumyldyrylǵan. Bul shamamen 6868 jumysshy jáne 265 arnaıy tehnıka.
Aıta keteıik, áskerı polıgonda bolǵan oqıǵadan keıin Arys qalasyndaǵy barlyq úılerdiń 85%-i búlingeni anyqtaldy. QR IIDM birinshi vıse-mınıstri Qaıyrbek О́skenbaevtyń aıtýynsha, kún saıyn qalpyna keltirý jumystarymen 100-den 250-ge deıin úı qamtylady. Elbasynyń jáne Memleket basshysynyń tapsyrmasy boıynsha barlyq búlingen jáne buzylǵan obektiler 2019 jyldyń 1 tamyzyna deıin tapsyrylýy tıis.
