- Shara barysynda respýblıkalyq «Abaı» jýrnalynyń jastar jylyna arnalǵan arnaıy shyǵarylymy tanystyrylyp, jýrnalǵa óleńderi shyqqan aqyndar jaryq kórgen shyǵarmalaryn ortaǵa saldy,- dedi maman Dýman Kenjeǵazın,-otyrys qorytyndysy boıynsha aldaǵy ýaqytqa josparlar belgilenip, jastar jyly aıasynda atqarylatyn shyǵarmashylyq sharalardyń ótý barysy talqylandy.
Sharaǵa Respýblıkalyq Abaı jýrnalynyń bas redaktory Muratbek Ospanov jáne jas aqyndar qatysty. «Meni jastardyń shyǵarmashylyqqa, óleńge degen qabileti qýantady qoldan kelse jastar jyly aıasynda taǵy bir jýrnaldyń bólimin jastarǵa arnaýǵa tyrysamyz»,- dedi Abaı jýrnalynyń bas redaktory Muratbek Ospanov.
Dýman Kenjeǵazınniń aıtýynsha, Semeıde Jastar jylyna oraı taǵy da basqa ıgilikti sharalar molynan uıymdastyrylýda. Máselen, Semeı qalasy ishki saıasat bólimi «Aýyl jastarynyń ıntellektýaldy jáne shyǵarmashylyq áleýetin damytýǵa baǵyttalǵan» áleýmettik qyzmeti aıasynda Jastar resýrstyq ortalyǵynyń qoldaýymen Shúlbi kentiniń jastaryna arnalǵan oqytý semınar-trenıngin ótkizdi. Trenıng aıasynda aýyl jastarynyń kóshbasshylyq qabiletin arttyrýǵa baǵyttalǵan arnaıy tásilder qoldanylyp, qyzyqty oıyndar oınatyldy. Shara sońynda Shúlbi kentiniń ákimi P. Oralbaevanyń qatysýymen jastar isi jónindegi keńes otyrysy ótti. Kún tártibi boıynsha birqatar máseleler qaralyp, jastardyń usynystary tyńdaldy. Keńes qorytyndysy boıynsha Shúlbi kentiniń jastar isi jónindegi keńestiń jańa quramy bekitildi.
