Aımaqtar • 19 Shilde, 2019

Semeılik Azat Sarpekov Elbasyna jyr estafetasyn joldady

660 ret

kórsetildi

1 mın

oqý úshin

Semeıdegi elektrotehnıkalyq kolledjdiń dırektory Azat Sarpekov Uly Abaıdyń 175 jyldyq mereıtoıyna oraı Uly aqynnyń óleńin Abaıdyń memlekettik qoryq-mýzeıiniń qabyrǵasynda oqyp, Elbasy Nursultan Ábishulyna usynyp otyr.

Raýshan QABJANQYZY

Semeılik Azat Sarpekov Elbasyna jyr estafetasyn joldady

Azat Sarpekov IT tehnologııalardy jańadan shyǵarý boıynsha kún-tún demeı jańa jobalardy zertteýmen qatar, robototehnıka boıynsha mańyzdy dúnıelerdi jetildire túsýmen aınalysyp kele jatqan elimizge tanymal talantty jas basshylardyń biri. Ol Elbasy – Tuńǵysh Prezıdentimizge estafetany usynýy týraly bylaı deıdi:

- Men Sarpekov Azat Tolqynuly, Semeı qalasy elektrotehnıkalyq kolledjiniń dırektory. Uly hákim Abaıdyń 175 jyldyǵyna oraı qarakóz qaryndasymyzdyń bastamasymen bastaý alǵan óleń oqý estafetasyn «Jas Otan» jastar qanatynyń Semeı qalalyq bólimshesiniń jetekshisi Almas Aıtmuqashtan qabyl alyp, ult janashyry, jastar jylynyń bastamasyna tıek bolǵan, Memleketimizdiń tuńǵysh prezıdenti, halqymyzdyń birtýar tulǵasy Nursultan Ábishulyna joldaımyn. Respýblıkalyq «Egemen Qazaqstan» gazeti jáne saıty arqyly Nursultan Ábishuly estafetamdy qabyl alsa degen ótinish aıtamyn.

Áýelde bir sýyq muz-aqyl zerek,

Jylytqan tula boıdy ystyq júrek.

Toqtaýlylyq, talapty shydamdylyq,

Bul qaırattan shyǵady, bilseń kerek.

Aqyl, qaırat, júrekti birdeı usta,

Sonda tolyq bolasyń elden bólek.

Jeke-jeke bireýi jarytpaıdy,

Jol da joq jarymesti «jaqsy» demek.

Aqyl da, ashý da joq, kúlki de joq,

Týlap, qaınap bir júrek qylady álek.

Bireýiniń kúni joq bireýinsiz,

Ǵylym sol úsheýiniń jónin bilmek.