QR Úkimetiniń qaýlysymen Ahmetjan Ábdijámiluly Pirimqulov QR ekologııa, geologııa jáne tabıǵı resýrstar vıse-mınıstri qyzmetine taǵaıyndaldy. Bul týraly QR Premer-Mınıstriniń baspasóz qyzmeti habarlaıdy.
Ahmetjan Pirimqulov 1979 jyly Jambyl oblysynda dúnıege kelgen.
2000 jyly «ekonomıst» mamandyǵy boıynsha M.H. Dýlatı atyndaǵy Taraz memlekettik ýnıversıtetin, 2003 jyly «zańger» mamandyǵy boıynsha Qazaq gýmanıtarlyq zań ýnıversıtetin támamdaǵan. Zań ǵylymdarynyń kandıdaty ǵylymı dárejesi bar.
Eńbek jolyn 2001 jyly Jambyl oblysynyń prokýratýra mamany retinde bastady, sot júıesinde jumys istegen.
2012–2016 jyldary QR Qorshaǵan ortany qorǵaý mınıstrligi Ekologııalyq retteý jáne baqylaý komıtetiniń tóraǵa orynbasary, QR Energetıka mınıstrligi Ekologııalyq retteý, baqylaý jáne memlekettik ınspeksııa komıtetiniń tóraǵa orynbasary qyzmetterin atqarǵan.
2016 jylǵy maýsymnan 2017 jylǵy qarasha aralyǵynda QR BǴM Bilim jáne ǵylym salasyndaǵy baqylaý komıtetiniń tóraǵasy bolyp jumys istedi.
2017 jylǵy qarashadan bastap qazirgi ýaqytqa deıin QR EM Ekologııalyq retteý jáne baqylaý komıtetiniń tóraǵasy qyzmetin atqardy.
