«Astana Operanyń» altynshy maýsymy aıaqtaldy

Asqaq ónerdiń jankúıerleri osynaý «teatr jylynda» birinen keıin biri oryn alǵan jarqyn oqı­ǵalardyń kýásine aınaldy: tusaý­keserler, gastrolder, opera jáne balet ártisteriniń bedeldi halyq­aralyq baıqaýlardaǵy je­ńis­teri, teatrdyń sheteldik árip­testerimen shyǵarmashylyq baı­lanysynyń keńeıýi – osy syndy aıtýly sátter kóp boldy.

Teatrǵa 145 000 kórermen keldi. QR Mádenıet jáne sport mı­nıs­tr­liginiń qoldaýymen ujym 7 premera usyndy. Atap aıtqanda, Dj.Rossınıdiń «Sevıldik shashtaraz» operasy, M.Fokınniń horeo­gra­fııasyndaǵy F.Shopenniń mýzykasyna «Shopenıana» jáne N.Rım­skıı-Korsakovtyń mýzykasyna «She­herazada» bir bólimdi baletteri, P.Chaı­kov­skııdiń «Evge­nıı Onegın», Dj.Rossınıdiń «Jibek saty», Dj.Pých­chınıdiń «Bo­gema» operalary men A.Adan­nyń «Jızel» baleti kó­rer­menge usy­nyldy.

Teatr 2 syılyqqa ıe boldy: «Abaı» operasy (L.Hamıdı, A.Ju­banov) úshin avtorlar ujymy: Ál­pıev Tóleýbek Nyǵ­met­uly­na, Bóri­baev Alan As­qar­uly­na, Baıǵo­jın Súndet Áb­dirah­manulyna, «As­tana Ope­ra» mem­lekettik opera jáne ba­let teatry» kommersııalyq emes ak­sı­o­­nerlik qoǵamynyń shy­ǵar­ma­shy­lyq ujymyna qa­tysýshylarǵa Qazaqstan Res­pýblıkasynyń Áde­bıet pen óner salasyndaǵy Mem­lekettik syılyǵy berildi. So­ny­men qatar teatr klassıkalyq óner sala­syndaǵy «BraVo» Halyq­ara­lyq ká­sibı mýzykalyq syı­lyǵyn ıe­len­di, bul dodada «Astana Opera» «Jyl­dyń konserttik/teatr alańy» ata­lymy boıynsha kóshbasshy atandy.

Ujym «Rýhanı jańǵyrý» baǵ­darlamasy aıasynda gastroldik saparlarǵa shyǵyp, Italııa (Genýıa, Rım), Ispanııa (Valensııa), Reseı (Máskeý, Novosibir), О́zbekstan (Tash­kent) elderi men Qazaqstan qa­la­lary (Qaraǵandy, Kókshetaý) bo­ıynsha sátti óner kórsetti. Teatr óz sahnasynda Abaı atyn­daǵy MAOBT-nyń (Almaty) gas­troldik baǵ­darlamasyn qabyl aldy, al ta­myzdyń 17 jáne 24 kúnderi Qara­ǵandy akademııalyq mý­zykalyq komedııa teatrynyń gastroli ótpek.

О́zbekstandaǵy Qazaqstan jyly aıasynda orasan zor jetistikpen ótken Tashkenttegi gastrolde ár­tis­­ter ulttyq klassıka jaýhary – A.Jubanov, L.Hamıdıdiń «Abaı» ope­­­rasy men Dj.Pýchchınıdiń «Ma­dam Batterflıaı» operasyn usyn­dy.

Jyl boıy «Astana Opera» ár­tisteri óz jetistikterimen qýant­ty, olar úkimettik marapattar, or­den­der men medalderin ıe­lendi, sondaı-aq kóptegen halyq­ara­lyq baıqaýlardyń jeńim­paz­dary atandy. Atap ótsek, «As­tana Opera» dırıjeri Rýslan Baımýrzın KSRO Halyq ártisi, Mem­lekettik syılyq laýreaty Mu­qan Tólebaev atyndaǵy «Altyn taıaqsha» Halyqaralyq dırıjerler baı­qaýynyń Bas júldesin jeńip aldy.

Opera jáne balet trýppasynyń solısteri «Astana Operanyń» atyn shyǵaryp qana qoımaı, Qazaq­stan­nyń bedelin shetelde ońynan qalyptastyrýda eleýli úles qosýda. «Astana Opera» teatrynyń jetekshi solısi, Qazaqstannyń eńbek sińirgen qaıratkeri Baqtııar Adamjan Italııa, Shveısarııa, Fransııa, Reseı jáne t.b. el­der­diń eń mártebeli mádenı is-sharalaryna turaqty túrde qa­tysýda. Budan bólek, Baqtııar Adam­jan Áıgerim Beketaevamen birge Kann qala­syndaǵy Festıval saraıy sahnasynda óner kórsetti. «Viva Maïa» álemdik balet juldyz­darynyń Gala-konserti aty ańyz­ǵa aınalǵan balerına Maııa Plı­seskaıaǵa arnalǵan.

«Astana Operanyń» jetekshi solısi, Qazaqstannyń eńbek sińir­gen qaıratkeri Jupar Ǵabdýl­lına Bashqurt opera jáne balet teatry sahnasynda zor jetistikpen óner kórsetti. Ánshi ataqty bas Il­dar Abdrazakovpen birge Dj.Ver­dıdiń «Attıla» operasyn­da basty Oda­bella partııasyn oryn­dady. «Astana Operanyń» jetekshi solısi, Qazaq­stannyń eńbek sińirgen qaırat­keri, QR Memlekettik syılyǵynyń laýreaty Súndet Baıǵojınnyń ónerine ıtalıandyq tyńdarman dý qol shapalaq soǵyp, qoshemet kórsetti. Tanymal qazaqstandyq barıton genýıalyq Karlo Felıche teatrynyń sahnasynda Dj.Pýchchınıdiń «Madam Batterflıaı» opera­synda Sharplestiń partııasyn usyndy.

«Astana Opera» teatrynyń so­lısi Evgenıı Chaınıkov Barse­lonadaǵy ıspandyq Teatr de Sarrııa sahnasynda áıgili mýzykalyq dırektor, tenor ári pedagog Raýl Hı­menestiń jetekshiligimen kompozıtor Domenıko Chımarozanyń «Jasyryn neke» (Il matrimonio segreto) operasyn oryndady.

 «Astana Opera» óziniń jetinshi teatr maýsymyn 5 qyrkúıekte Muqan Tólebaevtyń «Birjan – Sara» operasymen ashpaq. Sonymen birge, kúz mezgiline, 11 jáne 13 qazan kúnderine Dj.Verdıdiń «Don Karlos» operasy men 22-23 qa­rasha kúnderine L.De­lıbtyń «Koppelııa» baletiniń premerasy jos­par­lanǵan. Opera trýppasy 20 qazan kúni Nevadaǵy Sankt-Peter­bor qalasyna Dj.Rossınıdiń «Ji­bek saty» ope­­rasymen attanady. Alaıda baǵ­dar­lama munymen tamamdalmaq emes!