Premer-Mınıstr Asqar Mamınniń tóraǵalyǵymen ótken Úkimet otyrysynda Prezıdent Qasym-Jomart Toqaevtyń 2019 jylǵy 15 shildedegi keńeıtilgen otyrysta bergen tapsyrmalary men mindetterin oryndaý jónindegi is-sharalar qaraldy. Bul týraly Premer-Mınıstrdiń baspasóz qyzmeti habarlady.
Premer-Mınıstrdiń birinshi orynbasary – Qarjy mınıstri Á. Smaıylov, Premer-Mınıstrdiń orynbasarlary J. Qasymbek pen G. Ábdiqalyqova, Ulttyq bank tóraǵasy E. Dosaev ózderi jetekshilik etetin baǵyttar boıynsha baıandama jasady.
«Memleket basshysy halyqtyń ál-aýqatyn jáne jalpy ekonomıkany jaqsartýǵa baǵyttalǵan birqatar tapsyrmalar berdi», dep Premer-Mınıstr, Úkimettiń qazirgi jáne aldaǵy basty mindeti – halyqtyń ómir súrý sapasyn jaqsartý jáne tabysyn arttyrý, jańa jumys oryndaryn ashý jáne jańa ınvestısııalar tartý ekenin atap ótti.
Barlyq memlekettik organdar, ulttyq holdıngter men ákimdikter ınvestısııalardy tartý boıynsha jumysty belsendi túrde júrgizýleri tıis. Osy jumysty baqylaý úshin árbir memlekettik organǵa, holdıngke jáne ákimdikke ózekti tıimdilik kórsetkishteri belgilenedi.
Úkimet basshysy jańa tıimdi jumys oryndaryn quryp, ekonomıkanyń basymdyqty sektorlarynda óndiristi ártaraptandyrýdyń, ozyq tehnologııalardy engizip, eksportty keńeıtýdiń qajettigin atap ótti.
«Áleýmettik salany damytý maqsatynda birqatar naqty sharalar qolǵa alynady. Sonyń ishinde, muqtaj adamdarǵa áleýmettik qoldaý kórsetýdiń naqty jáne ashyq rásimderi belgilenedi, áleýmettik qoldaýdyń kepildi kólemin kórsetýdiń biryńǵaı tásilderi jasalady», dedi Premer-Mınıstr.
Bilim berý salasynda bilim men ǵylymdy tolyq qarjylandyrýdy qamtamasyz etýdiń is-qımyl jospary ázirlenedi, mektepte jáne kásiptik-tehnıkalyq bilim berýdi odan ári reformalaý jumysy jalǵasady.
«Bıýdjetti qalyptastyrýǵa halyqtyń qatysýyn qamtamasyz etý úshin pılottyq rejımde «halyqtyq bıýdjet» jobasy engiziledi», dedi A. Mamın.
Úkimet otyrysynda Memleket basshysynyń tapsyrmalaryn oryndaý jónindegi Is-sharalar jospary bekitildi.
«Is-sharalar jospary tolyǵymen jáne sapaly oryndalýy tıis», — dep Premer-Mınıstr, Úkimettiń Jobalyq ofısi Memleket basshysynyń tapsyrmalary men saılaýaldy baǵdarlamasyn iske asyrý barysyna baqylaý júrgizýdiń negizgi quralyna aınalatynyn aıtty.
Prezıdenttiń qarapaıymdylyǵy qatty unady – Shavkat Rahmonov
Sport • Búgin, 23:06
Álıhan Smaıylov qazaq elin Naýryz meıramymen quttyqtady
Úkimet • Búgin, 11:00
Búgin elimizdiń basym bóliginde kún ashyq bolady
Aýa raıy • Búgin, 10:40
Qazaqstan • Búgin, 10:18
Memleket basshysy Qazaqstan halqyn Naýryz meıramymen quttyqtady
Prezıdent • Búgin, 10:00
Uqsas jańalyqtar
