24 Shilde, 2019

Medısınalyq saqtandyrý qory tegin dári-dármek berý prosecin baqylaý nátıjesin qorytyndylady

192 ret kórsetildi

Tegin dári-dármek pen medısınalyq maqsattaǵy buıymdardy berý barysyn baqylaý nátıjeleri belgili boldy.

Densaýlyq saqtaý mınıstrligi, MSQ men «SQ-Farmasııa» JShS birlesip ótkizgen shara aıasynda bıylǵy 12 sáýir men 30 maýsym aralyǵynda SMS-habarlama júıesin iske qosqan bolatyn. Atap aıtqanda, 2019 jyldyń sáýir-maýsym aılarynda tegin dári-dármek alǵandar tizimine engen pasıentterdiń telefondaryna SMS-habarlama jiberildi.  Barlyǵy 1 mıllıonnan astam SMS-habarlama jiberilgen. Habarlamada reseptiniń nómiri men dáriniń berilgen kúni kórsetildi. Preparattar shyn máninde qolyna tımegen pasıentterge SMS-habarlamaǵa jaýap retinde «0» sıfryn joldaý nemese «SQ-Farmasııa» JShS-niń 1439 baılanys nómirine qońyraý shalý usynylǵan bolatyn.

SMS-habarlama qorytyndysy boıynsha, Qorǵa 27 798 pasıentten jaýap keldi. Onyń ishinde 4 137 pasıenttiń dári-dármekti almaǵany anyqtaldy. 

Dári-dármektiń qolǵa tımegeni týraly habarlamanyń basym bóligin Qyzylorda, Mańǵystaý, Shyǵys Qazaqstan, Túrkistan jáne Almaty oblystarynyń turǵyndary joldaǵan.

Sondaı-aq, bul monıtorıng jazylǵan reseptiler men qolma-qol berilgen dári sany bir-birine sáıkes kelmeıtin 10 medısına uıymyn anyqtaýǵa múmkindik berdi. Olardyń qataryndaAmbýlatorııalyq-emhanalyq qyzmeti bar Jalaǵash AOA, Qyzylorda oblystyq medısına ortalyǵy, Mańǵystaý oblysyndaǵy №1 Aqtaý qalalyq emhanasy, Shyǵys Qazaqstan oblysyndaǵy Ulan aýdandyq ortalyq aýrýhanasy, Jetisaı aýdandyq «Asyqata» aýrýhanasy, Túrkistan oblysyndaǵy Túlkibas aýdandyq ortalyq aýrýhanasy, Almaty oblysyndaǵy Talǵar jáne Ile aýdandyq aýdandyq ortalyq aýrýhanalary bar.

Esterińizge sala ketsek, Medısınalyq saqtandyrý qory ótken jyldyń basynda kepildendirilgen tegin kómek paketi sheńberinde beriletin dári-dármek pen medısına buıymdaryna aqy tóleý tártibin ózgertken bolatyn.

Qor byltyr dári qolma-qol berilgen jáne «Dári-dármekpen qamtamasyz etý» aqparattyq júıesine engizilgen reseptilerge ǵana aqy tóleýge kóshti. «Pasıentterden kelip túsken barlyq habarlamalardy Qor tirkeýge alǵannan keıin óńdedi. SMS-habarlamalar júıege pasıentterdiń ózderin tartýǵa múmkindik berdi. Nátıjesinde aqparattyq júıedegi málimetter men dári-dármekpen naqty qamtamasyz etý kórsetkishi arasynda edáýir alshaqtyq bary anyqtaldy», - dep túsindirdi «Áleýmettik medısınalyq saqtandyrý qory» KEAQ basqarma tóraǵasy Aıbatyr Jumaǵulov.

MSQ respýblıkalyq bıýdjetten qarjylandyrylatyn tegin medısınalyq kómek (TMKK) paketiniń jáne jumys berýshiler, azamattar men memleket jarnasy esebinen qarjylandyrylatyn mindetti áleýmettik medısınalyq saqtandyrý (MÁMS) paketiniń operatory. 2018 jyldan bastap Qor TMKKK paketi sheńberinde kórsetilgen qyzmetter aqysyn tólep keledi. MÁMS paketi boıynsha qyzmet kórsetý 2020 jyly bastalmaq.

Dári-dármek pen medısınalyq maqsattaǵy buıymdardy «SK-Farmasııa» JShS satyp alady (MSQ-men aradaǵy kelisimsharttan túsken qarjy esebinen). «SK-Farmasııa» dári men medısınalyq buıymdardy kelisimshart bekitken medısına uıymdarynan túsken ótinishter negizinde satyp alady. 2019jyly MSQ men «SK-Farmasııa» JShS arasyndaǵy kelisimniń quny 86,9 mlrd teńge boldy.


Sońǵy jańalyqtar

QHL: «Barys» «Lokomotıvten» jeńildi

Hokkeı • 22 Qazan, 2021

Bekire balyǵyn zańsyz aýlaǵandar ustaldy

Ekologııa • 22 Qazan, 2021

Belarýste maska rejımi joıyldy

Álem • 22 Qazan, 2021

9 sý qoımasy salynady

Ekologııa • 22 Qazan, 2021

Qaraǵandyda jer úıden órt shyqty

Oqıǵa • 22 Qazan, 2021

Golovkınge qarsy Mýratanyń múmkindigi bar ma?

Kásipqoı boks • 22 Qazan, 2021

Memleket basshysy Asqar Mamındi qabyldady

Prezıdent • 22 Qazan, 2021

Uqsas jańalyqtar