QR Sıfrlyq damý, ınnovasııalar jáne aeroǵarysh ónerkásibi mınıstriniń buıryǵymen Telekommýnıkasııalar komıtetiniń tóraǵasy laýazymyna Vıtalıı Vladımırovıch Iаroshenko, Aeroǵarysh komıtetiniń tóraǵasy laýazymyna Baýbek Jetkergenuly Oralmaǵambetov taǵaıyndaldy.
Vıtalıı Iаroshenko 1977 jyly dúnıege kelgen. Aqmola agrarlyq ýnıversıtetin, Qazaq gýmanıtarlyq-zań ýnıversıtetin, Kókshetaý ekonomıka jáne menedjment ınstıtýtyn támamdaǵan.
2003 jyldan bastap baılanys salasyna jetekshilik etetin ortalyq memlekettik organdardyń qurylymdyq bólimshelerinde jumys istedi. 2015–2017 jyldary QR Investısııalar jáne damý mınıstrliginiń Baılanys, aqparattandyrý jáne aqparat komıteti tóraǵasynyń orynbasary, QR Aqparat jáne kommýnıkasııalar mınıstrliginiń Baılanys departamentiniń dırektory, QR Aqparat jáne kommýnıkasııalar mınıstrliginiń Baılanys, aqparattandyrý jáne BAQ salasyndaǵy memlekettik baqylaý komıteti tóraǵasynyń orynbasary laýazymdaryn atqardy. 2017–2019 jyldary — QR Aqparat jáne kommýnıkasııalar mınıstrliginiń Telekommýnıkasııalar komıteti tóraǵasynyń orynbasary.
2019 jylǵy aqpannan bastap QR Aqparat jáne kommýnıkasııalar mınıstrliginiń Telekommýnıkasııalar komıtetiniń tóraǵasy qyzmetin atqardy, 2019 jylǵy mamyrdan bastap QR sıfrlyq damý, qorǵanys jáne aeroǵarysh ónerkásibi mınıstrliginiń Telekommýnıkasııalar komıtetiniń tóraǵasy.
Baýbek Oralmaǵambetov 1983 jyly Aqtóbe oblysynda dúnıege kelgen. Máskeý avıasııa ınstıtýtyn bitirgen.
Eńbek jolyn 2006 jyly M.V. Hrýnıchev atyndaǵy memlekettik ǵarysh ǵylymı-óndiristik ortalyǵynda ınjener-konstrýktor bolyp bastaǵan.
2010–2012 jyldary «Báıterek» Qazaqstan–Reseı birlesken kásiporny» AQ ókildiginde bas maman, bólim basshysy boldy.
2012–2014 jyldary — QR Ulttyq ǵarysh agenttiginiń Ǵarysh qyzmetin damytý departamenti dırektorynyń orynbasary; dırektory.
2014–2015 jyldary — QR Investısııalar jáne damý mınıstrliginiń Aeroǵarysh komıtetiniń Jobalardy súıemeldeý basqarmasynyń basshysy.
2015–2016 jyldary — «Ǵalam» JShS bas dırektory.
2016–2017 jyldary QR Qorǵanys jáne aeroǵarysh ónerkásibi mınıstrliginiń Aeroǵarysh komıteti tóraǵasynyń mindetin atqarǵan.
2017 jylǵy mamyrdan bastap QR Qorǵanys jáne aeroǵarysh ónerkásibi mınıstrliginiń Aeroǵarysh komıteti tóraǵasynyń orynbasary laýazymyn atqarǵan.
2019 jylǵy mamyrda QR Sıfrlyq damý, qorǵanys jáne aeroǵarysh ónerkásibi mınıstrliginiń Aeroǵarysh komıtetiniń tóraǵasy qyzmetine taǵaıyndaldy.
