Alǵashqy jarys kúni 48 kılo salmaqta qyzdar arasynda synǵa túsken otandasymyz Galbadrah Otgonseseg fınalǵa deıin súrinbeı jetip, altyn medal úshin ótken básekede fransııalyq Mılana Klementemen kúsh synasty. Qosymsha ýaqytqa deıin sozylǵan beldesýde qandasymyzdyń baǵy janyp, Gran-prı jeńimpazy atandy. Fınalǵa deıin ol Katarına Tanzerdi (Aýstrııa), Io Hıongty (QHR) jáne Lı Iаnandy (QHR) jeńgen bolatyn. Galbadrah byltyrǵy Zagreb tatamıinde qola júlde enshilegen edi.
Erler arasynda 60 kıloda beldesken Dáýren Súıeýkenov jubanysh kezdesýinde Polsha sportshysy Toma Golombqa ese jiberip, jarysty besinshi orynmen aıaqtady. Ǵumar Qyrǵyzbaev (66 kg) ekinshi aınalymda jeńilip qalsa, ekinshi jarys kúninde tatamı tórine shyqqan Serik Aqylbek pen Jansaı Smaǵulov (73 kg) jáne Rýslan Musav (81 kg) alǵashqy aınalymda jarys jolynan shyǵyp qaldy.
