Azııa Kýbogy Almaty Triathlon Federation jáne Qazaqstandyq Trıatlon Federasııasy «Samruq-Qazyna» Ulttyq ál-aýqat qory», QR mádenıet jáne sport Mınıstriligi, QR Ulttyq Olımpıadalyq komıteti jáne Almaty qalasynyń ákimdiginiń qoldaýymen ótkiziledi.
Oraıy kelip turǵanda, trıatlon – júzý, velojarys jáne júgirý sekildi jekelegen sport túrlerinen quralǵan mýltısportıvti jarys bolyp tabylatyn sıkldyq olımpıadalyq sport túri ekenin aıta ketken jón. Trıatlon kezeńderin sportshylar kezekpen jáne úzilissiz baǵyndyrady. Halyqaralyq deńgeıde trıatlon Halyqaralyq Trıatlon Odaǵynyń (ITU) erejelerimen retteledi.
О́z kezeginde ASTC Asian Cup – Azııalyq Trıatlon Konfederasııasy (ASTC) ótkizetin kýbok serııasy.
Qurlyqtyq kýboktiń ońtústik astanamyzda ótkizilýi Qazaqstandyq Trıatlon Federasııasynyń Halyqaralyq Trıatlon Odaǵymen birlese otyryp, Qazaqstan Respýblıkasynda trıatlondy damytý men ony keńinen nasıhattaýǵa baǵyttalǵan jumystar nátıjesinde atqarylady.
Sonymen qatar, atalmysh saıys aıasynda Age Group (áýesqoılar) sanatyndaǵy sportshylar «TEMIRADAM» Kýboginiń VIII kezeńiniń reıtıngtik upaılaryn ortaǵa salatyn bolady.
Trıatlonnan Azııa kýbogyn nasıhattaýǵa QR mádenıet jáne sport mınıstrliginiń Dene shynyqtyrý jáne sport boıynsha Komıteti, «Alash medıa grýpp», Vesti.kz, Tenginews.kz, Massaget.kz, WeprojectMedia kiristi.
3 tamyzda Elite sanatyndaǵy sportshylar arasyndaǵy saıys «trıatlon» dıssıplınasynda «sprınt» qashyqtyǵynda ótetin bolady.
4 tamyzda Age Group (áýesqoı) «TEMIRADAM» Kýbogi VIII kezeńi bolady.
ALMATY
