Osy bıyl erte kóktemde tanysymyzdyń úıine alys Qyzylordadan Almatyǵa kelgen Úrzııa Saǵyndyqqyzy apaıymyz dıirmen tasyn ortaǵa alyp, sol kezeńniń qıyn tynysyn áńgimeledi. Aıtýynsha, jazýshynyń anasy Naýat apamyz bir ýys qara taryny myna qol dıirmenniń óńeshine salyp, aqtap alatyn kórinedi. «Analarymyzdyń biri keli túıip, endi biri qara qazan mańaıynda abyr-sabyr ash qursaq tirligimiz keıin sol Zeınolla aǵamyzdyń «Syr boıy» epopeıasynda kózge jas ákeletin saǵynyshqa toly sátter edi. Soǵys balalarynyń ómirin kórsete aldy ma?
Jaryqtyq analarymyzdyń jandaryn shúberekke túıgen surapyl kezdegi qıyn-qystaý kezeńderin aıta aldyq pa, dep júregi qars aıyrylady. Sondaǵy Zeınolla aǵamyzǵa talǵajaý etýge múmkindik bergen qol dıirmenniń bir bóligi ǵoı. Eı, jaryqtyq zaman-aı, erteńgi urpaq sony túsinse ǵoı», dep edi sonda. El basyna kún týǵan surapyl kezeńniń bir deregi dersiz. Analarymyz bir kezde tarıh úshin sol tastardy da tastamaı kóterip júrdi-aý... Shúkir deıik...
Saparbaı PARMANQUL,
«Egemen Qazaqstan»
ALMATY
