Sport • 31 Shilde, 2019

Alǵashqy eki oryn otandastarymyzǵa buıyrdy

147 ret kórsetildi

Shahmattan Chehııanyń Pardýbıse qala­synda jyl saıyn dástúrli túrde uıymdastyrylatyn ha­lyq­­aralyq Pardubice Czech Open týrnıri óz má­resine jetti. Qyzdar arasyndaǵy báse­kede qandasymyz Dınara Sádýa­qasova bas júldeni ıelense, taǵy bir otandasymyz Jansaıa Ábdimálik kúmis medal enshiledi.

Toǵyz týrǵa sozylǵan halyqaralyq jarystyń qorytyndysy boıynsha, eki jerlesimiz de birdeı 6,5 upaı jınaǵan bolatyn. Degenmen qosymsha kórsetkishterge baılanysty Sádýaqasova birinshi, Ábdimálik ekinshi orynǵa ornalasty. Úzdik úshtikti 6 upaı toptaǵan bolgarııalyq sportshy Nurgúl Salımova túıindedi.

Sonymen qatar atalǵan týrnırde baq synaǵan otandasymyz Álisher Súleımenov 5 upaımen 129-orynnan kórinse, 16 jasqa deıingiler arasynda Aıtýar Júkenov 238-orynǵa (3,5 upaı) turaqtady. Pardubice Czech Open jarysyna dúnıe júzinen jalpy sany 300-den asa shahmatshy qatysqan.

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar