Senatorlar shymkenttik jastarmen pikir almasyp, sessııa kezinde qabyldanǵan zańdar týraly jan-jaqty habardar etti. Jastar zańdardyń talqylaný barysy týraly málimetter alyp, ózderin qyzyqtyrǵan suraqtarǵa jaýap estidi.
N.Beknazarov men A.Qapbarova joǵarǵy zań shyǵarýshy organnyń jumysy men halyqty áleýmettik qoldaý jónindegi reformalardy iske asyrý barysy týraly baıandady. Áleýmettik qamsyzdandyrý, Jastar jyly aıasynda júzege asatyn sharalar týraly da aıtyldy.
Senatorlar qaladaǵy belsendi ómir súrý ortalyǵynda bolyp, zeınetkerlermen júzdesti. Shymkenttegi bul ortalyq Elbasy N.Nazarbaevtyń azamattardyń ómir súrý jasyn uzartý jáne buqaralyq sportty damytý týraly tapsyrmalaryn iske asyrý aıasynda ashylǵan bolatyn. Depýtattar Bolat О́temuratov qorynyń «Asyl Mıras» aýtızm ortalyǵynyń tynys-tirshiligimen de tanysty.
