Áleýmettik ınvestısııalardyń jańa formaty iske qosyldy

Osyǵan oraı, biz ınvestorlar men jeke kásipkerlerdi ózara tıimdi sharttarda stýdenttik jataqhanalar qurylysyna atsa­lysýǵa shaqyramyz. Bul proseske aýqymdy túrde, ıaǵnı áleý­­mettik nysan retinde emes, tabysty, turaqty jáne perspek­tıvalyq bıznes-joba retinde qaraý­dy usynamyz. Buǵan bar­lyq alǵysharttar bar.

Birinshi. Suranys usynys týdyrady.  

Búgingi tańda elimizde stýdentter  úshin 90 myńnan astam oryn-jaıdy engizý qajet. Onyń ishine elimizdiń iri qalalarynan bastap oblystyq mańyzy bar qalalardy qamtıtyn barlyq óńir kiredi. 

Jaqynda Qazaqstandy 2000 jyldardyń baby-boom  nátıjesi kútilýde. Sondyqtan jaqyn bo­la­shaqta elde tutynýshylar na­ry­­ǵynyń qarqyndy ósetini aıqyn.  

Ekinshi. Memlekettiń qarjylyq qatysýy.

Nysan paıdalanýǵa sátti en­gizilgennen keıin mem­leket tarapynan 8 jyl boıy memlekettik tapsyrysty ornalastyrý jolymen aqsha tólemderi júrgiziletin bolady. Tólemderdiń mólsheri paıdalanýǵa engizilgen jáne bilim alýshy naqty ornalasqan oryn-jaılar sanyna baılanys­ty. Jyl saıyn ár oryn-jaı úshin jańa jataqhana salynǵan jaǵdaıda – 122 AEK, ǵımaratty jataqhana etip rekonstrýksııalaý jasalǵan jaǵdaıda 47 AEK tólenedi.

Úshinshi. Qosymsha tabys kózderi.

Stýdent tóleıtin aı saıyn­ǵy turý aqysy memleket tap­syry­synyń qunyna kirmeıdi. Onyń mólsherin jataqhananyń men­shik ıesi retteıdi jáne ol naqty óńir­­degi turǵyn úı naryǵynyń shart­tarymen anyqtalady.

Sonymen birge turmystyq qyz­­metterdi kórsetý úshin kom­­mer­­sııalyq alańdar jasa­ý­la­ryńyzǵa bolady, olar­dyń ne­gizgi tutynýshylary turǵyn­dar bolmaq.

Jobaǵa qatysý sharttary  

Jobany iske asyrý úshin kapıtal jáne jer telimi bolýy qajet. Jer telimińiz bolmaǵan jaǵ­daıda biz ony memleket-jeke­menshik áriptestik tetigi ar­qyly, óńirlerdiń áleýmettik-kásip­kerlik korporasııalarymen birge jobany bastaý nemese konsorsıým qurý jolymen resýrs­tardy biriktirý arqyly alýdyń birqatar joldaryn usynamyz.

Sonymen qatar eger sizder ǵıma­rattyń menshik ıesi bolsa­ńyz­dar, ony jataqhana etip rekonstrýksııa jasaýǵa jáne oǵan memlekettik tapsyrysty orna­lastyrýǵa talaptanýǵa bolady.  

Jobany is júzinde júzege asyrý sátinen bastap 30 shart jasaldy, sonyń nátıjesinde 10 myńnan astam jańa orynnyń engizilýi qamtamasyz etildi.

Jobaǵa qatysý úshin mynalar qajet:

Birinshi – jobaǵa qatysý sharttarymen tolyq tanysý úshin studdom.kz saıtyna kirý nemese 8-8000-802-828 nómiri arqyl BǴM Qarjy ortalyǵynyń koll-ortalyǵyna habarlasý. 

Ekinshi – shart jasasý úshin Qarjy ortalyǵyna ótinish berý.

Biz jemisti yntymaq­tas­tyq­qa daıynbyz!

 «Qarjy ortalyǵy» AQ Stýdenttik jataqhanalarǵa operatorlyq etý jónindegi departamenti