Jastar jyly aıasynda uıymdastyrylǵan aıtýly joba tamyz aıy boıy ár senbi saıyn EKSPO alańyn túrli qyzyq ta tosyn tańǵajaıyptardyń ordasyna aınaldyrady dep kútilýde. Juldyzdy jobanyń shymyldyǵyn Qaırat Nurtas, Erjan Maksım jáne Mad Men toby bastaǵan ánshiler ashsa, kóńildi mýzyka keshin aldaǵy aptalarda odan ári Erke Esmahan, Nurjan Kermenbaev, M’Dee, Say Mo, Dequine jáne taǵy da basqa talantty ánshiler men toptardyń óneri jalǵaıtyn bolady.
– Aıtýly konsert Nur-Sultan qalasy turǵyndary men qonaqtaryna esten ketpes erekshe kóńil kúı syılaıdy dep senemiz. Úsh saǵattyń kóleminde ánshiler jankúıerlerin hıt bolǵan jańa ánderimen qosa, arnaıy daıarlanǵan qaıtalanbas horeografııalyq baǵdarlamalarymen de qýantatyn bolady, – deıdi bul jóninde «Astana EKSPO-2017 UK» AQ bas-
pasóz qyzmeti ókilderi.
Aıta keteıik, konserttik baǵdarlama EKSPO halyqaralyq kórmesi aýmaǵynda 24 tamyzǵa deıin ár senbi saıyn saǵat 20.00-de tegin ótedi. Kelem deýshilerge esik ashyq. Mýzykalyq kesh baǵdarlamasyna Qaırat Nurtas, Erke Esmahan, Nurjan Kermenbaev, Erjan Maksım bastaǵan ánshilerdiń oryndaýyndaǵy tyńdarmandar arasynda keńinen tanymal hıt ánderi engizildi. Sondaı-aq konsert aıasynda ónersúıer qaýym ánshilerdiń áli sııasy keýip úlgermegen jańa mýzykalyq týyndylarynyń da tusaýkeserine kýá bolady.
