Aldymen, oblys ákimi densaýlyq jáne demalys saıabaǵyna baryp, «Syr-Ana» monýmentindegi qaıta jańǵyrtý jumystarymen de tanysty.
Jalpy aýdany 30 gektardy quraıtyn saıabaq áýejaı trassasy boıyndaǵy rámizder alańy jáne Tuńǵysh Prezıdent saıabaǵy arasynda ornalasqan.
Sodan soń, aımaq basshysy Syrdarııa ózeniniń sol jaǵalaýynda bolyp, sol jaǵalaýdy damytý josparymen tanysyp, júrgizilip jatqan qurylys jumystaryn kórdi.
«О́zderińiz bilesizder, ótken aptada Aral, Qazaly, Aqaı, Tóretam, Jalaǵash, Shıeli, Jańaqorǵandy aralap shyǵyp, eldimekenderdiń turǵyndarymen kezdesip, ardagerlerdiń oı-pikirlerin, halyqtyń usynystaryn tyńdap keldim. Atqarylyp jatqan jumystarmen tanystym. Búgin endi oblys ortalyǵyn kórip shyqtym. Barlyǵymyzdyń basty maqsatymyz – halyq ıgiligi úshin jumys isteý. Endigi mindet – Qyrymbek Eleýuly bastaǵan mańyzdy sharýalardy jalǵastyrý, búgingi kúnniń eń ózekti máselelerin anyqtap, ony der kezinde sheshý. Ol úshin aımaqtyń negizgi baǵyt-baǵdary aıqyn kórsetilgen 12 baǵytty qamtıtyn Qyzylorda oblysyn áleýmettik-ekonomıkalyq damytýdyń 2019-2022 jyldarǵa arnalǵan Keshendi josparyn júzege asyrýymyz kerek», - dedi aımaq basshysy.
Ári qaraı Qýanyshbek Dosmaıyluly Syr óńirinde kezekti ret uıymdastyrylyp otyrǵan «Birge – Taza Qazaqstan» ekologııalyq aksııasyna qatysty.
2019 jyly 20 shildede QR Úkimetiniń basshysy A.Mamınniń bastamasymen qolǵa alynǵan «Birge - Taza Qazaqstan» ekologııalyq aksııasy Qyzylorda oblysynda ár apta saıyn ótkizilip keledi.
Esterińizge salaıyq, alǵashqylardyń biri bolyp Qyzylorda oblysy aksııaǵa qoldaý bildirgen bolatyn. #Birge #TazaQazaqstan aksııasy Syr óńirinde Aral aýdanyndaǵy Kókaral bógetiniń janyn tazartýmen bastaldy. Aımaq basshysy Qýanyshbek Ysqaqov estafetany óńirdiń barlyq aýdandary men eldimekenderine joldaǵan edi.
Búgingi uıymdastyrylǵan aksııaǵa aımaq basshysy, oblystyq mekemeler, jastar jáne úkimettik emes uıymdar qatysty. Oblys ortalyǵynda Syrdarııa ózeniniń jaǵalaýynan – Qutqarý mekemesi aralyǵyndaǵy 8 shaqyrym jerde 2 000 astam adam jumys istedi. Búgingi aksııaǵa oblys boıynsha 7000 jýyq adam atsalysty.
Aksııany ár senbi saıyn kúz aıyna deıin jalǵastyrý josparlanýda. Shara aıasynda qatysýshylar tarapynan jaqyn mańda ornalasqan turǵyn úı ıelerine qoqystardy beı-bereket tastamaý jóninde túsindirme jumystary da júrgizilip jatyr.
