Sport • 05 Tamyz, 2019

El úmiti – «Astanada»

34 ret kórsetildi

О́tken beısenbi kúni fýtboldan Eýropa lıgasynyń ekinshi irikteý kezeń oıyndary aıaqtaldy. Eýrokýbok dodalarynda baq synap jatqan qazaqstandyq komandalardan tek elordanyń «Astana» klýby ǵana kelesi kezeńge joldama aldy. Al Almatynyń «Qaıraty» men Shymkenttiń «Ordabasy» komandalary qarsylastaryn jeńe almaı, jankúıerlerin jerge qaratty.

Áýesqoılar komandasyn áreń jeńdi

«Astanany» Eýrododa oıyndarynda jyl saıyn oınap, deńgeıi Eýropalyq komandalarǵa jeteǵabyl dep maqtanǵanymyzben, beısenbidegi matchtyń alǵashqy taımynda biz biletin «Astanany» tanı almadyq. Birinshi 45 mınýtta jyldyq bıýdjeti Marın Tomasovtyń tabysyna jetpeıtin «Santa Koloma» oıynshylary «Astanadan» áldeqaıda táýir oınady. Tipti oıyndaǵy esepti birinshi bolyp Andorra komandasy ashty. Kezdesýdiń nebári jetinshi mınýtynda «Santa Kolomanyń» jartylaı qorǵaýshysy Enrık Pı gol soǵyp, Erıchti san soqtyryp ketti. О́z alańynda oınap, onyń ústine birinshi goldy ótkizip alǵan soń «Astana» oıynshylary ábden abdyrady. 20 múmkindiktiń tek bireýin ǵana golǵa aınaldyratyn shabýylshy degen dardaı ataǵy bar Iаngany aıtpaǵannyń ózinde, komandanyń eń tájirıbeli oıynshysy Dmıtrıı Shomkonyń ózi pas berý sátinde bir emes birneshe ret qatelesip, tepken doby komandalastaryna jetpeı jatty. Degenmen, oıynnyń 24-mınýtynda birinshi goldyń avtory Enrık Pı óz aıyp alańynda tártip buzyp, tóreshi 11 metrlik aıyp dobyn belgiledi. «Astana» sapyna jýyrda ǵana qosylǵan ıslandııalyq fýtbolshy Rýnar Mar Sıgýronsson penaltıdi sátti oryndap, áreń degende esepti teńestirdi.

Oıynnyń ekinshi taımy da «Astananyń» shabýylymen bastaldy. Biraq sol shabýyldy túıindeıtin fýtbolshy tabylmaı jatty.  Matchtyń 60-mınýtynda alańǵa horvatııalyq legıoner Marın Tomasov shyqqannan soń «Astananyń» oıyny túlep sala berdi. Tomasov jasyl alańǵa shyǵa salyp jasyndaı jarqyldady. Aınaldyrǵan 30 mınýtta qarsylastyń qaqpasyna jalǵyz ózi úsh gol soǵyp, komandasyn órge súıredi. Alǵashqy golyn matchtyń 73-mınýtynda salsa, araǵa alty mınýt salyp dýbl avtory atandy. Oıynnyń negizgi kezeńine qosylǵan qosymsha ýaqytta matchtyń núktesin qoıdy. Qorytyndy esep – 4:1. «Astana» Tomasovtyń arqasynda áýesqoılardan quralǵan komandany áreń jeńdi.

Endi elorda komandasy 8 tamyz kúni Eýropa lıgasynyń úshinshi irikteý kezeńinde Malta chempıony «Valletta» klýbyn qabyldaıdy. Qarymta match bir aptadan soń syrt alańda ótedi.

Qaıraty ketken «Qaırat»

Gazetimizdiń ótken sandaryndaǵy sholýymyzda «Qaırattyń» taǵdyry qyl ústinde turǵanyn jazǵan bolatynbyz. Almatynyń komandasy sol «qyl arqannan» óte almaı, óz alańynda Izraıl komandasymen teń túsip, Eýropa lıgasynan shyǵyp qaldy. О́z alańynda eki gol salyp, qarymta match aldynda jaǵdaıyn birshama jaqsartyp alǵan «Hapoel» klýby Ortalyq stadıonda ótken matchty asa saqtyqpen bastady. О́ıtkeni qarsylas komandanyń basty maqsaty – qaqpalaryna gol ótkizip almaý edi. Biraq «Hapoeldiń» bul jos­paryn «Qaırattyń» qorǵaýshysy Rade Dýgalıch buzyp jiberdi. Birinshi taımnyń 40-mınýtynda buryshtamadan kótergen pastan keıingi qarbalas sátte Dýgalıch gol soǵyp ketti. Osylaısha, birinshi taım «Qaırattyń» basymdyǵymen ótti.

«Qaırat» oıynnyń ekinshi bóligin de shabýylmen bastap, gol soǵýdyń áleginde júrgen edi. Alaıda qorǵanysty qymtap júrgen Eldos Ahmetov 55-mınýtta ekinshi sary qaǵazyn alyp, komandasyn aýyr jaǵdaıda qaldyrdy. Kezdesýdiń qalǵan 35 mınýtyn «Qaırat» 10 oıynshymen ótkizýge májbúr bolsa, 63-mınýtta esepti ashqan Rade Dýgalıch abaısyzda óz qaqpasyna gol soǵyp, jyǵylǵan ústine judyryq boldy. Oıynnyń sońyna deıin esep ózgerýsiz qaldy. Bul matchta «Qaırat» fýtbolshylarynyń júıkesi ábden syr berdi. Fýtbolshylar gol soǵýdyń ornyna birinen soń biri qyzyl qaǵaz alyp, alańnan qýyldy. Ahmetovtiń izin ala Ǵafýrjan Súıimbaev, qosalqy quramda otyrǵan qaqpashy Vladımır Plotnıkov ta qyzyl qaǵaz aldy. Sondaı-aq Rade Dýgalıch, Aıbol Ábiken, Islambek Qýat sary qaǵazben jazalandy. Osylaısha, qaıraty ketken «Qaırat» Eýropa lıgasyn ekinshi kezeńnen aıaqtaýǵa májbúr boldy.

«Ordabasy» orǵa jyǵyldy

Chehııada ótken alǵashqy oıynnan keıin de «Ordabasynyń» kelesi kezeńge shyǵý múmkindigi bar edi. Syrt alańda 1:1 esebimen teń oınaǵanymen, qarsylas alańynda soǵylǵan gol eki gol bolyp esepteletinin biz aıtpasaq ta jankúıerler jaqsy biledi. Sondyqtan «Ordabasyǵa» Shymkenttegi oıynda 0:0 esebi de jetkilikti edi. Alaıda «Mlada-Boleslav» komandasy Shymkentke bir barmaǵy búgýli kelgen eken. Kezdesýdiń 8-mınýtynda Marek Mateıovskı esepti ashty. 33-mınýtta «Ordabasynyń» kapıtany Pablo Fontanello óz alańynda oıyn erejesin buzyp, tóreshi penaltı belgiledi. Ony Nıkolaı Komlıchenko sátti oryndap, komandasyn 0:2 esebimen alǵa shyǵardy. Taım aıaqtalar tusta Alekseı Shetkın mergendigimen kózge túsip, úmit otyn qaıta jaqqandaı bolǵan edi. Biraq jankúıerlerdiń qýanyshy uzaqqa sozylmady.

Ekinshi taım bastalǵan bette «Mlada-Boleslav» fýtbolshysy Mýrıs Meshanovıch soqqan úshinshi gol «Ordabasynyń» merziminen buryn Eýropa lıgasynan úmitin úzdi. 56-mınýtta Abdýllaı Dıakateniń penaltıden soqqan goly komandasyna jeńis alyp kele almady. Qorytyndy esep – 2:3.

«Ordabasy» komandasy bıyl Eýropa lıgasynda biraz jetistikke jetý maqsatynda jyl basynda birneshe tájirıbeli fýtbolshyny óz sapyna qosyp alǵan edi. Mysaly, «Astanadan» óte tájirıbeli degen qaqpashy Dmıtrıı Nepogodovty, Eýrokýbok oıyndarynda tájirıbesi bar qorǵaýshy Sergeı Malyı men Marat Bystrovty, shabýylshy Alekseı Shetkındi, Bolgarııanyń «Lýdogores» klýbynan jartylaı qorǵaýshy Joao Paýlo men Maı Mahlangýdy jalǵa alǵanymen, atalǵan fýtbolshylardan Eýrododa oıyndarynda qaıran bolmady.

Endi Eýrokýbok oıyndarynda el bolyp «Astana» komandasynyń tileýin tileımiz. Bıyl da Eýropa lıgasynyń toptyq kezeńine shyǵyp, el mereıin asyrady degen úmittemiz. Qoryta aıtqanda, endigi el úmiti – «Astanada».

 

Sońǵy jańalyqtar

Bıyl mektep formasy ózgermeıdi

Bilim • Búgin, 16:14

Dollar qymbattady

Ekonomıka • Búgin, 15:54

Jetisý oblysynyń TJD basshysy taǵaıyndaldy

Taǵaıyndaý • Búgin, 15:08

Aralda jol apatynan bir adam kóz jumdy

Oqıǵa • Búgin, 11:35

Qazaqstannyń eksport kólemi artty

Ekonomıka • Búgin, 09:52

Uqsas jańalyqtar