Nátıjesinde 17 sektordyń 13-de tótenshe jaǵdaılar saldarynan qala ishindegi 67 kósheniń jamylǵysynda aqaýlar oryn alǵandyǵy anyqtalǵan. Qala kóshelerindegi aqaýlardy joıý boıynsha atqarylatyn is-sharalar aıasynda jalpy uzyndyǵy 60 shaqyrymǵa jýyq 67 kósheni zamanaýı talaptarǵa sáıkes jóndeýden ótkizedi. 46,7 shaqyrym aıaq jol, 7 shaqyrym velosıped joly salynady, 68,6 shaqyrym jolǵa 2 234 dana jaryq shamdary, 41 m3 sýaǵar ornatylady, jalpy aýmaǵy 9 522 m2 kósheniń jıekteri jóndeledi.
Jóndeý jumystaryn júrgizý josparlanǵan 13 aımaq boıynsha 67 kósheniń búgingi tańda 40 kóshesinde jumystar júrgizilýde. Qalpyna keltirý jumystaryna 60-qa jýyq arnaıy tehnıkalar men 110-nan asa jumysshy tartylǵan.
