Qazir federasııa ótinimderdi qabyldap, ádettegideı salmaǵy, sáıkestigi sııaqty paramentrlermen tańdaý júrgizip, uıymdastyrý máselelerin sheship jatyr.
Qazaq kuresi Azııa chempıonatyna barlyǵy 100-den asa sportshy qatysady dep kútilýde. Qazirgi kúnniń ózinde Qytaı, Japonııa, Úndistan, Pákistan, О́zbekstan, Qyrǵystan jáne taǵy da basqa memleket palýandary beldesýge nıet bildirdi.
Halyqaralyq qazaq kúresi federasııasy – ulttyq sport túrin álemdik deńgeıde damytyp, halyqaralyq seriktester men sportshylardyń basyn biriktirip júrgen birlestik. Álem boıynsha ulttyq sportymyzǵa qyzyǵýshylyq tanytqandar sany kún sanap artýda.
Jýyrda ǵana Polshanyń Vroslav qalasynda qazaq kúresinen Eýropa chempıonaty ótti. Eýropa chempıonatyna Albanııa, Armenııa, Ázerbaıjan, Avstrııa, Belarýs, Bolgarııa, Kıpr, Estonııa, Grýzııa, Grekııa, Islandııa, Izraıl, Italııa, Latvııa, Lıtva, Moldova, Norvegııa, Polsha, Rýmynııa, Reseı, Serbııa, Slovenııa, Ispanııa, Ýkraına sekildi 24 elden 113 palýan qatysty. Eýropa chempıonatynda alǵash ret Irlandııa, Italııa, Ispanııa ulttyq quramalary óner kórsetti.
Bıyl qazaq kúresinen halyqaralyq federasııanyń qurylǵanyna 2 jyl toldy. Federasııa quramyna 29 shet el jáne eki halyqaralyq sport uıymdary kirdi. Jaqyn arada taǵy 10 sheteldik memleket qosylady.
