Elbasynyń «Uly dalanyń jeti qyry» maqalasynda aıtylǵan mindetterdi júzege asyrýǵa oraı uıymdastyrylǵan úıirmede zertteýshi-ǵalymdar balalarǵa qazba jumystarynyń orny, ólkedegi ortaǵasyrlyq qalashyqtar týraly jáne arheologııa ǵylymynyń qyr-syry jaıly dárister ótkizdi.
Rahat qala jurty – Esik qorymynan ońtústikke qaraı 5 shaqyrym qashyqtyqta taý bókterinde, Esik-Talǵar jolynyń boıyndaǵy Rahat aýylyna janasa ornalasqan. Munaraly qamal qabyrǵalary qalashyqtyń saq patshalarynyń qonysy bolǵandyǵynan habar berip turǵandaı. 1970-shi jyldardyń basynda Esik qorǵanynan, ıaǵnı Esik qalasynyń soltústigindegi Esik ózeniniń sol jaq jaǵalaýynan temir dáýirine tıesili altyn kıimdi saq jaýyngeriniń múrdesi tabylǵan bolatyn. 2015 jyldan beri bul aýmaqta «Esik» memlekettik tarıhı-mádenı qoryq-mýzeıi men Qytaı Halyq Respýblıkasy Shansı arheologııalyq ınstıtýty birlesken qazba jumystaryn júrgizýde.
Al, Qastek qalashyǵy Almatydan 80 shaqyrym qashyqtyqta jer astynda jasyrynyp jatyr. Arheologtar 2012 jyly bul jerden erekshe turmys zattaryn, qarý-jaraqtar tapqan. Bul aımaqtan tabylǵan áınek synyqtary kezinde áınek óndirisi damyǵandyǵyn aıǵaqtaıdy. 2011 jyldan beri aralyqta A. Nurjanovtyń basshylyǵymen Á.H. Marǵulan atyndaǵy arheologııa ınstıtýtynyń qyzmetkerleri Abaı atyndaǵy QazUPÝ tarıh fakýlteti stýdentterimen birge zertteý júrgizip keledi. Tamyry tereńde jatqan tarıhı oryndardy aralaǵan jas arheologtar
qazba jumystarymen tanysyp, qyzyqty ekskýrsııanyń kýási boldy.
ALMATY
