«Bıylǵy konferensııanyń taqyryby – Under One Sun (Bir aspan astynda). Bul taqyrypty tańdaýymyzdyń ózindik sebebi bar. Sebebi, biz bir-birimizge uqsamaımyz. Oı-pikirimiz de ártúrli. Degenmen bárimizdi biriktiretin taqyryptar da bar. Dál osy taqyryp bizdi alańdatatyn máselelerdi ortaǵa salýǵa múmkindik beredi dep oılaımyz», - dedi TEDx Astana konferensııasynyń kýratory Álııa Sandybaeva.
Uıymdastyrýshylar pikirinshe, konferensııada adamzat jetken jetistikterdiń qorshaǵan orta men ekonomıkaǵa áseri týraly jyldar boıy qalyptasqan «úırenshikti» pikirlerdi ózgertetin ıdeıalar sóz bolady. Spıkerler adamdardyń ómir salty men bolashaǵyna áser etetin mádenı-áleýmettik qubylystar, ınnovasııalar men zamanaýı tehnologııalardyń qazirgi zamannyń eń ózekti degen máselelerin sheshýge qanshalyqty múmkindigi bar degen saýaldarǵa jaýap izdeıdi.
Alǵashqy TEDx konferensııasy Qazaqstan men TMD elderi aýmaǵynda 2010 jyly ótkizilgen bolatyn. Al, TED qorynyń arnaıy lısenzııasymen ótkiziletin TEDxAstana 2015 jyldan beri uıymdastyrylyp keledi. TEDx – jergilikti jerlerde túrli aǵartýshylyq sharalar ótkizýge arnalǵan ǵalamdyq jobasy.
Konferensııaǵa tirkeý tedxastana.com saıtynda qyrkúıektiń 5 deıin jalǵasyn tappaq.
