«Jarystyń birinshi kúni Elite sanatyndaǵy sportshylar «sýper-sprınt» qashyqtyǵynda trıatlonnan Qazaqstan Respýblıkasy Kýboginiń úshinshi kezeńi jeńimpazdaryn anyqtaıdy. Osy qashyqtyqta U17, U19 jáne U23 sanatyndaǵy sportshylar Qazaqstan Respýblıkasy Chempıonaty aıasynda saıysady. Al ekinshi saıys kúni alańda áýesqoı sportshylar baq synaıdy» dep habarlaıdy jarysty uıymdastyrýshy Batys Qazaqstan oblystyq dene shynyqtyrý jáne sport basqarmasynyń baspasóz qyzmeti.
Trıatlonnan Qazaqstan Respýblıkasy Kýbogi men Chempıonaty – qazaqstandyq Trıatlon federasııasynyń bastamasymen ótkiziletin respýblıkalyq saıystar. Qyzyqty doda «Samuryq-Qazyna» ulttyq ál-aýqat qory» AQ, Qazaqstan Respýblıkasy mádenıet jáne sport Mınıstrliginiń Sport jáne dene shynyqtyrý isteri boıynsha Komıteti, Qazaqstan Respýblıkasy Ulttyq Olımpıada komıteti, Batys Qazaqstan oblysy ákimdigi, Oral qalasy ákimdigi jáne BI Group kompanııasynyń qoldaýymen ótkizilmek.
Saıys maqsaty − Qazaqstanda trıatlondy damytý jáne salaýatty ómir saltyn nasıhattaý, qazaqstandyq kásibı sportshylardyń, bapkerler men tóreshilerdiń biliktiligin arttyrý jáne úzdik sportshylardy anyqtaý.
Oraldaǵy saıys aıasynda kásibı sportshylar birneshe qashyqtyqta synǵa túspek:
1) Elite sanaty (18-23 jas aralyǵy) – trıatlon, qashyqtyq – «sýper-sprınt» (300 m júzý, 8 km velojarys, 2 km júgirý).
2) U23 sanaty (18-23 jas aralyǵy) – trıatlon, qashyqtyq – «sýper-sprınt» (300 m júzý, 8 km velojarys, 2 km júgirý).
3) U19 sanaty (17-19 jas aralyǵy) – trıatlon, qashyqtyq – «sýper-sprınt» (300 m júzý, 8 km velojarys, 2 km júgirý).
4) U23 sanaty (15-17 jas aralyǵy) – trıatlon, qashyqtyq – «sprınt» (750 m júzý, 20 km velojarys, 5 km júgirý).
Oralda ótetin úshsaıysqa Qazaqstannyń ár aımaǵynan kelgen 100-ge jýyq sportshy qatysady dep kútilýde.
Budan buryn Shaǵan jáne Jaıyq ózenderiniń qıylysqan jerinde ornalasqan Oral qalasynda trıatlon sportyn damytýǵa múmkindik mol ekendigi aıtylǵan edi.
Batys Qazaqstan
