Joba jetekshisi – AQSh-taǵy Vırdjınııa ýnısersıtetiniń stýdenti, Oraldaǵy zııatkerlik mekteptiń 2018 jylǵy túlegi Shymbolat Tinálıev. Talapty óren oqýshy kezinen-aq kózge túsip, mektep bitirgen kezde birden jeti ýnıversıtettiń bilim grantyn jeńip alǵan edi. Onyń beseýi Amerıkanyń atynan at úrketin irgeli joǵary oqý oryndary bolsa, altynshysy – Fınlıandııanyń ataqty Alta ýnıversıteti, jetinshisi – Astana qalasyndaǵy Nazarbaev zııatkerlik ýnıversıteti. Vırdjınııa ýnısersıtetin tańdaǵan Shymbolat Amerıkada oqyp júrip Fınlıandııa, Túrkııada bilim alyp jatqan mektep túlekteri men oqýshylardyń basyn qosypty.
– Shet elde Zııatkerlik mektep túlekteri, jalpy qazaqstandyq jastar maǵan kóp kómektesti. Bizdiń shetelde jınaqtaǵan tájirıbemiz ben eldegi oqýshylardyń bilimi qosylyp, jańa jobany jasap shyqtyq, – deıdi Shymbolat Tinálıev.
Komanda músheleri ortaq ıdeıa jolynda uıymshyldyqpen is atqarypty. Biri baǵdarlama jasasa, ekinshisi – dızaınyn, endi biri – qarjylyq máselelerdi rettegen. Marketıng, uıymdastyrý jumystaryna jaýapty adam da bar.
Joba avtorlarynyń aıtýynsha, jańa tólem júıesi ýaqyt únemdeıdi, tapsyrysty jedeldetedi. Sonymen qatar jeke málimetter qajet bolmaǵandyqtan, tutynýshy qaýipsizdigi qamtamasyz etiledi. Qazir ınvestorlarmen kelissóz júrip jatyr eken. Kóp uzamaı Almaty qoǵamdyq tamaqtaný oryndarynda synaqtan ótpek.
– Biz bul jobadan ózimizge kóp tájirıbe jınadyq. Sebebi startapty bastaý, ónimdi usyný joldary, kompanııalarmen qarym-qatynas sııaqty tájirıbe jınaqtap jatyrmyz, deıdi Oraldaǵy zııatkerlik mekteptiń 11-synyp oqýshysy Danııar Jarqynuly.
Mektep túlekteriniń osyndaı bastamalary oqýshylarǵa da qanat bitirgen syńaıly. Qazir olar da mektep ıgiligi úshin birqatar jobany qolǵa alǵan. Danııardyń sózinshe, qazir oqýshylarǵa arnalǵan derbes saıt jasalýda. Sonymen qatar oblys mektepteri oqýshylarynyń qatysýymen túrli jarys uıymdastyrý josparlanyp jatyr eken.
Batys Qazaqstan
