«Birlik» bolmaı, tirlik bolmaıdy

Beısenbi, 2 mamyr 2013 2:15

Ýaqyt – zymyran. Az ǵana ýaqytta Qazaqstan álem sahnasyndaǵy óziniń aıshyqty ornyn belgilep úlgerdi. Tegeýrin jaman emes. Sońǵy on bes jyldyń ishinde memleketimiz álemdegi eń serpindi damýshy elder bestigine endi.

Elbasymyz Nursultan Nazar­baevtyń «Qazaqstan-2050» Stra­te­gııasy – qalyptasqan memlekettiń jańa saıası baǵyty» atty Joldaýynda «Álemniń barlyq elderi óz damýyn salystyratyn moıyndalǵan reıtıngter bar. Osydan alty jyl buryn men aldymyzǵa álemniń básekege qabiletti 50 eliniń qataryna kirý jóninde jalpyulttyq mindet qoı­dym. Qazaqstan Dúnıejúzilik eko­nomıkalyq forýmnyń reıtınginde 51-oryndy ıelendi. Biz búgin osy maqsatymyzǵa taıaq tastam ǵana qal­dyq», degeni belgili.

Rasynda da, el tarıhynyń sapalyq jańa kezeńi úlken qarqynmenen júrip jatqanyn eshkim joqqa shyǵara almaıdy. Al bul iste «Nur Otan» partııasy qashanda tyń oılar men baıan­dy bastamalardyń uıytqysy bolyp keledi. Partııanyń belsendiligi arqasynda el ıgiligi jolynda talaı ister qolǵa alynyp, júzege asyrylýda. Al bul isterdiń qaı-qaısysynyń artynda da qoǵamnyń múddesi, halyqtyń talaby jatqany anyq.

«Nur Otan» halyqtyq-demokra­tııalyq partııasynyń «Birlik» fılıaly Qazaqstan Respýblıkasy Prezıdenti Is basqarmasy 17 bas­taýysh partııa uıymynyń arqaýynda  qurylǵanyna bıyl on jyl tolǵaly otyrǵanyna qaramastan, qoǵamda edáýir jumystardyń atqa­rylýyna muryndyq bolyp kele jatqanyn maqtanyshpen aıta alamyz. «Birlik» fılıalyn Prezıdenttiń Is basqarýshysy Abaı Bısembaev basqarady. Bıylǵy jyldyń qańtar aıyndaǵy kórsetkishteri boıynsha partııanyń quramynda elimizdiń ár salasynda jumys jasaıtyn 5063 múshesi bar. Fılıaldyń quramyna 42 bastaýysh partııa uıymy men Senattyń 1 depýtattyq toby, Parlament Má­jilisiniń 1 depýtattyq fraksııasy enip otyr.

Saıası keńes, Saıası keńestiń bıýrosy, Baqylaý-tekserý komıssııa­sy bar «Birlik» fılıaly qazirgi tańda «Nur Otan» HDP Jarǵysy men Baǵdarlamasynyń negizgi ere­­jelerin túsindirý, Memleket bas­shysynyń jyl saıynǵy jol­daýlaryn, partııa sezderi sheshim­derin, Prezıdent, «Nur Otan» HDP Tóraǵasy N.Nazarbaevtyń tapsyrmalaryn túsindirý, memlekettik baǵdarlamalardy júzege asyrý, patrıotızm, salamatty ómir salty sııaqty qundylyqtardy nasıhattaý, partııa músheleriniń Astanamyzdyń qoǵamdyq-saıası ómirine belsendi aralasýy jónindegi ártúrli pishindegi sharalardy júzege asyrýda.

«Birlik» fılıaly partııalyq qyzmetiniń basym bóligin qaıyrym­dylyq aksııalaryna arnap otyr. Jyl saıyn «Jaqynyńa járdem ber!», «Balǵyndy mektepke daıyndaıyq», «Búldirshinge kitap syıla», Uly Otan soǵysy men tyl ardagerlerine taǵzym etý, halyqtyń ál-aýqaty nashar turǵyndaryna járdem berý sekildi jumystar atqarylyp keledi.

«Nur Otan» HDP «Birlik» fılıaly Saıası keńesi bıýrosynyń qaýlysymen bekitilgen josparǵa saı eńbek ujymdarynda kezdesýler, dóń­gelek ústelder, konferensııalar, mádenı-kópshilik, sporttyq sharalar uıymdastyrylýda. Munyń bárin ótkinshi sharalar dep qabyldamaý qajet. Atqarylyp jatqan ár jumys­tyń keshendi jalǵastyǵy bar.

Qart adamdarǵa járdem re­tinde baǵyttalǵan «Ardagerdiń den­saýlyǵy» atty aksııasy el arasynda ájeptáýir ystyq yqylas týdyryp otyr. Osy aksııanyń aıasynda soǵys jáne eńbek ardagerleri, múgedekter Qazaqstan Prezıdenti Is basqarmasynyń Me­dı­sı­nalyq Ortalyǵynda tegin medısınalyq tekserýden ótti. Al Uly Otan soǵy­synyń ardagerlerine 9 mamyrda, áıel-ardagerlerge 8 naýryzda qurmet kórsetý kádimgi dástúrge aınaldy.

Balalarmen jumys jasaý, múgedek balalardy, jetimderdi qoldaý jónin­degi jumystarǵa fılıal erekshe kóńil bólip keledi. Ata-anasynan, asyraýshysynan aıyrylǵan 70 búldirshin psıhonevrologııalyq balalar dıspanserinde em qabyldaýda, al oqý jyly qarsańynda balalar úılerindegi, ál-aýqaty nashar otbasylaryndaǵy 220 bala mektep kerek-jaraqtarymen qamtamasyz etildi.

Taǵy da qaıtalap aıtaıyq, atqa­rylyp jatqan qandaı da bir shara bul naýqandyq jumystar emes. Onyń keshendi oılastyrylǵan baǵyty bar. Sonymen qatar, «QR Tuńǵysh Pre­zıdenti – Elbasynyń qory» da bul ıgilikti sharaǵa kóp kómegin kórsetýde.

«Birlik» fılıaly óz jumysynda jeń ushynan jalǵasqan jemqorlyqtyń qas jaýy ekenin de tilge tıek etkim keledi. Jasyratyn nesi bar, bul indet ulttyq qaýipsizdigimizge qaýip tóndiretinin eshkim joqqa shyǵara almaıdy. Fılıaldyń bastaýysh partııa uıymdarynda jemqorlyqqa qarsy pármendi jumystar atqarylýda. Memlekettik qyzmetkerlerdiń, laýazymdy tulǵalardyń arasynda oryn alyp jatqan keleńsiz faktilerge tosqaýyldar qoıylýda. Tek sońǵy úsh jyldyń ishinde korrýpsııalyq qylmystary úshin 13 adam partııa qatarynan shyǵaryldy.

Árıne, bári oıdaǵydaı dep aıtýǵa bolmaıtyn shyǵar. Bastaýysh partııa uıymdarynyń jumystaryn jetildire túsýde aqaýlar da bar. Jas mamandardy partııa qataryna tartý tıisti deńgeıde emes. Bastaýysh partııa uıymdarynyń keıbir tóraǵalary senim údesinen shyǵa almaýda.

Elbasy N.Á.Nazarbaev keıingi Jol­daýynda: «Dúnıede bolyp jat­qan ózgeristerdiń sıpaty men tereńdigi, jahandyq ózara is-qımyl uzaq merzimdi damýdy talap etedi. Kóptegen elder qazirdiń ózinde 2030-2050 jyldardyń arǵy jaǵyna kóz jiberýge tyrysady», degen edi. Demek, kúni erteńgi jetistigimizdiń irgesi osy bastan qalanýy shart.

Ol úshin ne isteý kerek? Tek úlken jaýapkershilik kerek!

Biz jyl boıyna atqarylatyn jumystardyń barysyn jospary­myzǵa engizdik. Ol júıeli túrde atqarylyp keledi.

Alda ótetin mynandaı negizgi sharýalarǵa toqtalǵym keledi.

- «Nur Otan – salamatty Qazaq­stan úshin!», Avıasııa men ǵarysh­kerler kúnine arnalǵan «Biz ǵaryshty ba­ǵyn­dyramyz» aksııasy, qalany abat­tandyrýǵa baılanysy kóshet otyrǵyzý;

- «Ulttyq birlik – bizdiń strate­gııalyq tańdaýymyz», «Ardagerlerdi ardaqtaıyq» patrıottyq aksııa­lary, «Memlekettik rámizder – Ota­nymyzdyń júregi» memlekettik sımvoldar kúnine oraı ótkiziletin sharalar;

- sport festıvalderin ótkizý, Qazaqstan halqynyń mádenıetin, dástúri men tilderin bilý konkýrsy aıasynda memlekettik til kúnin ótkizý, jemqorlyqqa qarsy kúres;

- «Nar tulǵa; júrek jylýy» res­pýblıkalyq aksııasyna qatysý, Táýelsizdik kúnine arnalǵan sporttyq aksııalar, «Tuńǵysh Prezıdent kúnine» arnalǵan merekelik sharalardy uıym­dastyrý, «Aıaz Atanyń syılyǵy – balalarǵa» múgedek-balalarǵa kórsetiletin qaıyrymdylyq aksııasy.

Bul atqarylatyn jumystardyń bir parasy ǵana. Josparymyzǵa engen basqa da tirlikter jetkilikti. Iаǵnı, kúni erteńgini boljaǵanymyz abzal. «Qamdanbaǵan – qapy qalady» demekshi, bul jaı jalań sóz, qurǵaq ýáde emes, naqty jasalatyn jumystar.

«Nur Otan» HDP «Birlik» fılıaly «Ǵylym» bastaýysh partııa uıymynyń jumysyna az-kem toqtala keteıin. Byltyrǵy jyldyń jazynda irgesin qalaǵan «Ǵylym» bastaýysh partııa uıymy óziniń qataryn «Ǵylym qory» AQ-tyń bir top qyzmetkerimen tolyqtyryp, Otan aldyndaǵy paryzdaryn belgili bir dárejede atqaryp keledi. Joǵaryda tilge tıek etilgen qarttarǵa qamqorlyq, múm­kindigi shekteýli otbasylarǵa kómek nazar­dan tys qalyp kórgen emes. Máselen, byltyrǵy shilde aıynyń 20-synda «Ǵylym» bastaýysh partııa uıymy múgedek balalar úıiniń aýmaǵynda demalys sákilerin salyp berdi. Mektep oqýshylaryn ǵylymǵa tartý jumystary jaqsy baǵytta uıymdastyrylyp otyr. Adamzat balasynyń basty paryzy –jaqsylyq jasaý desek, «Nur Otan» HDP quramyndaǵy «Birlik» fılıaly da, onyń qataryndaǵy «Ǵylym» bastaýysh partııa uıymy da aldaǵy ýaqytta bul ıgilikti jumystaryn úlken rızashylyqpen jalǵastyrady.

Elbasynyń «Qazaqstannyń áleýmettik jańǵyrtylýy: «Jalpyǵa Ortaq Eńbek Qoǵamyna qaraı 20 qadam» baǵdarlamalyq maqalasy, Qazaqstan halqyna jyl saıynǵy joldaýlary bastaýysh partııa uıymy ókilderi arasynda udaıy talqylanyp, pikir almasýlar ótip turatynyn aıt­saq, ár qazaqstandyq azamat el abyroıy jolynda aldaǵy kezeńde de qoǵam ómirine belsene aralasady degen senimdemin.

Qýatjan ÝÁLIEV,

«Nur Otan» HDP «Birlik» fılıaly

saıası keńesiniń bıýro múshesi.