Aımaqtar • 14 Tamyz, 2019

Almatyda múmkindigi shekteýli azamattardyń taǵdyry talqylandy

15 ret kórsetildi

Almaty qalasy ákimdigi men  Birikken Ulttar Uıymy janyndaǵy Áıelder máselesi jónindegi komıtettiń qoldaýymen múmkindigi shekteýli áıelder máselesine arnalǵan «Birikken Ulttar Uıymynyń turaqty damýy kún tártibindegi múmkindigi shekteýli áıelderdiń quqyqtary men múddelerin eskerý; Ortalyq Azııa elderiniń tájirıbesi men perspektıvalary» degen taqyrypta Halyqaralyq konferensııa ótip jatyr.

Bul konferensııaǵa  respýblıkamyzdyń barlyq aımaqtaryndaǵy múmkindigi shekteýli áıelderdiń qoǵamdyq uıymdarynyń ókilderimen qatar, Túrkimenstan, Qyrǵyzstan, Reseı, Fınlıandııa memleketteriniń ókilderi de qatysyp, ózderiniń oı-pikirlerin ortaǵa saldy.

Konferensııa qalalyq máslıhat depýtaty Lázzat Qaltaeva jetekshilik etetin «Shyraq» múmkindigi shekteýli áıelder qoǵamynyń uıytqy bolýymen uıymdastyrylǵanyn atap ótken jón.    

Almaty qalasy ákimi janyndaǵy Áıelder isi, otbasy jáne demografııalyq saıasat jónindegi komıssııanyń hatshysy Nazıra Toǵyzbaeva konferensııaǵa qatysýshylarǵa qala ákimi Baqytjan Saǵyntaev joldaǵan quttyqtaýyn jetkizýmen bastady. Onda qala ákimi Almatynyń álemdik deńgeıdegi basqosýlar alańy ekenin aıta kelip, Qazaqstanda genderlik saıasat, múmkindigi shekteýli azamattarǵa kedergisiz orta qalyptastyrý jumystarynyń qarqyndy júrgizilip jatqandyǵyn, sońǵy ýaqytta elimizde múmkindigi shekteýli jandardyń da qoǵamnan tys qalmaýyna jiti kóńil bólinip otyrǵandyǵyn jetkizdi. Budan soń Ekonomıkalyq jáne áleýmettik komıssııanyń Soltústik jáne Orta Azııaǵa arnalǵan sýbaımaqtyq bóliminiń ókili Nıkolaı Pomoshnıkov, BUU- nyń Qazaqstandaǵy ókili Gúlnar Smaıylova, IýNFPA-nyń Qazaqstandaǵy ókili Ǵazıza Moldaǵulova, Fınlıandııanyń «Kynnus» assosıasııasynyń jetekshisi Veera Pesala sóz alyp, ótkizilip otyrǵan konferensııanyń múmkindigi shekteýli qyz-kelinshekterge jańa bir múmkindikter jolyn ashatyn basqosý bolatyndyǵyn atap ótti. Búginde dúnıejúzi boıynsha bir mıllıardtan astam múmkindigi shekteýli azamattar bar bolsa, sonyń árbir besinshisi názik jandylar kórinedi. Búgin ótip jatqan konferensııa óz jumysyn seksııalar boıynsha jalǵastyryp jatyr.

Esterińizde bolsa, Qazaqstan, 2015 jyly BUU-nyń Múgedekter týraly Konvensııasyn ratıfıkasııalady.    Bizdiń elde múgedek adamdardyń quqyqtaryn qorǵaý jáne turmys sapasyn jaqsartý týraly 2025 jylǵa deıingi ulttyq jospardyń 1 kezeńi oryndaldy. Qazir osy qujattyń 2 kezeńi bekitilýge usynyldy.

Qazir Almatyda 43 myńǵa jýyq múgedek ómir súredi. Olardyń 23 myńdaıy jumys isteýge qabiletti jasta. Biraq solaı bola tura, ókinishke qaraı, olardyń tek 5 myńnan sál astamy ǵana jumyspen qamtylǵan. Qalǵan 18 myńdaı adam jumyssyz júr. 

«Qazir qala ákimdigi deńgeıinde mú­ge­dekterdi jumyspen qamtýǵa qatysty bir­qatar jańa jobalar qolǵa alynǵan. Biz Almaty qalalyq kásipkerler palatasymen tyǵyz baılanysta jumys istep jatyrmyz. Kásipkerlerge arnap, arnaıy jadynama shyǵardyq. Onda eger múgedek jumys izdep kelse, kásipkerdiń ne isteý kerektigi týraly jan-jaqty jazylǵan.   «Múgedekter quqyǵy týraly Konvensııany júzege asyrý jáne oǵan qatysty monıtorıng júrgizýde azamattyq qoǵam mańyzdy ról atqarady. Jurtshylyqtyń qatysýy konvensııanyń negizi bolyp tabylady» deıdi osy jobanyń menedjeri Lázzat Qaltaeva.  
Bul shara «Múmkindigi shekteýli adamdardyń quqyn qorǵaý jáne alǵa jyljytý úshin ulttyq quqyq qorǵaý ınstıtýttarynyń múmkindikterin nyǵaıtý» áleýmettik jobasy jáne Qazaqstan Respýblıkasy Aqparat jáne qoǵamdyq damý mınıstrliginiń qoldaýymen   ótip jatyr.

ALMATY

Sońǵy jańalyqtar

Qazaqstanda 480 adam koronavırýstan aıyqty

Koronavırýs • Búgin, 09:55

«Barys» utylyp qaldy

Sport • 06 Naýryz, 2021

Almatynyń ortasyndaǵy kóshe opyrylyp qaldy

Aımaqtar • 06 Naýryz, 2021

Taraz qalasynda 135 otbasy baspanaly boldy

Aımaqtar • 06 Naýryz, 2021

Jansaı Smaǵulov júldege talasady

Sport • 06 Naýryz, 2021

Eldos Smetov kúmis aldy

Sport • 06 Naýryz, 2021

Oraldyq magıstranttar qazaq ádebıetin oqıdy

Aımaqtar • 06 Naýryz, 2021

«Qaırat» – qola júldeger

Aımaqtar • 06 Naýryz, 2021

Teńiz kenishinde 5 avtobýs otqa orandy

Aımaqtar • 06 Naýryz, 2021

Kóktemdegi UBT 10-naýryzda bastalady

Bilim • 05 Naýryz, 2021

Almatyda «Jyl qusy-2021» kórmesi bastaldy

О́ner • 05 Naýryz, 2021

Ár sala úzdikterine qurmet tanytty

Aımaqtar • 05 Naýryz, 2021

Almaty taýlarynda qar kóshkini júredi

Ekologııa • 05 Naýryz, 2021

Uqsas jańalyqtar