Terrorızm men ekstremızm – qaýipti kesel
Senbi, 8 maýsym 2013 2:07
Astana qalasy jastar saıasaty basqarmasynyń bastamasymen dinı ekstremızm men terrorızm ıdeologııalaryna qarsy kúres máselelerine baılanysty kezdesý boldy.
Shara ekstremızm men terrorızm ıdeologııalary qurylymyn, kózdegen maqsaty men baǵytyn baıandaıtyn beıne-jeli kórsetýmen bastaldy. Kezdesýde birinshi bolyp Din isteri agenttiginiń jetekshi ǵylymı qyzmetkeri Ermek Tórenuly sóz alyp, kún tártibindegi máselege oraı óz oılaryn ortaǵa saldy.
Senbi, 8 maýsym 2013 2:07
Astana qalasy jastar saıasaty basqarmasynyń bastamasymen dinı ekstremızm men terrorızm ıdeologııalaryna qarsy kúres máselelerine baılanysty kezdesý boldy.
Shara ekstremızm men terrorızm ıdeologııalary qurylymyn, kózdegen maqsaty men baǵytyn baıandaıtyn beıne-jeli kórsetýmen bastaldy. Kezdesýde birinshi bolyp Din isteri agenttiginiń jetekshi ǵylymı qyzmetkeri Ermek Tórenuly sóz alyp, kún tártibindegi máselege oraı óz oılaryn ortaǵa saldy. «Dinı ekstremızm men terrorızm ıdeologııalaryn eki turǵydan qarastyrýǵa bolady. Zańdy turǵydan keletin bolsaq, bul – qylmystyq kiná, al dinı turǵydan kelgende, bul ıdeologııalyq áreketter kúná bolyp esepteledi. Sebebi, adamnyń óz-ózine qol jumsaýy, ózgelerge qııanat jasaýy ıslamnyń sıpatyna saı kelmeıtin qubylystar», dep atap ótti ol.
Búgingi tańda «jıhad» ataýyn qate túsinip, ózderiniń qaskóı áreketterin iske asyrýda ıslam dinin jamylyp, bilimsizdikten, ańqaýlyqtan ózgeniń qolynda oıynshyq bolyp júrgen jastarymyz az emes. Olar bireýlerdiń dúnıe men bılikti kózdegen aýqymdy maqsattarynyń jolynda qurban bolyp bara jatqandaryn sezbeıdi. Sheshen sózinde máseleniń osy jaǵyna da birshama toqtaldy.
Kelesi kezekte minbege kóterilgen «Nur-Astana» meshitiniń naıb ımamy Hasan Tashaıuly radıkaldy aǵymda adasyp júrgenderge qatysty pikirlerin bildirdi. О́ziniń sózinde ol: «Mundaılar tek óz ıdeologııasyn jaqtaýshylardy musylman kórip, qalǵan halyqty «káfır», ıaǵnı musylman emes dep sanaıdy. Alaıda, lańkestik áreketke barǵanda, olar ózderi dinnen qalaı shyǵyp ketkenderin baıqamaı qalady», dedi. Al, fılosofııa ǵylymdarynyń kandıdaty Tyshqan Keńshilik pen belgili boksshy, Olımpıada chempıony Serik Sápıev jastarǵa dinı ekstremızm men terrorızm jóninde jan-jaqty aqparat berip, jalpy, ıslam dininiń mańyzdylyǵy men mánin túsindirdi.
Kezdesýdiń sońynda qonaqtar jastardyń suraqtaryna jan-jaqty jaýap qaıtardy.
Aıdar О́RISBAEV,
«Egemen Qazaqstan».
