Kaspıı teńizi jaǵalaýynda ornalasqan tórt memleket ókilderiniń qatysýymen ótetin aıtýly týrnırdiń deńgeıi joǵary bolatyny daýsyz. Sebebi, Astrahandaǵy dop dodasynda baq synaýǵa bel býǵan komandalardyń barlyǵy da myqty. Atap aıtsaq, Reseı – álem chempıonatynyń kúmis jáne qola júldegeri, Eýropa chempıony jáne sol jarystyń segiz dúrkin júldegeri. Iran – álem chempıonatynyń qola júldegeri, Azııanyń 11 dúrkin chempıony. Ázirbaıjan dúnıejúzilik dodanyń shırek fınalynda jáne qurlyq birinshiliginiń jartylaı fınalynda óner kórsetti. Al Qazaqstan – Azııa chempıonatynda eki ret jáne Eýropa chempıonatynda bir ret júlde alǵan komanda.
Jerlesterimiz ózderiniń alǵashqy kezdesýin 22 qyrkúıekte Iran quramasyna qarsy ótkizedi. Kelesi kúni Reseımen kúsh synasamyz. Jarystyń sońǵy kúni Ázirbaıjanmen sheberlik baıqasamyz.
