Polısııa departamenti bastyǵynyń orynbasary, polısııa polkovnıgi Ardaq Yntyqbaevtyń aıtýynsha, qujat oblystyń oqý oryndary men Ishki ister mınıstrligi arasyndaǵy ǵylymı yntymaqtastyqty rettemek.
- Polıseı mamandyǵynyń bedeli jyldan jylǵa artyp keledi. Bıyl 1 shildeden bastap patrýldik polısııa qyzmetkerleriniń jalaqysy 65%-ǵa, jedel qyzmet saqshylarynyń eńbekaqylary 55%-ǵa ósti. Sondaı-aq óńirge qaraı turǵyn úıdi jalǵa alý úshin 20 myń teńgeden 50 myń teńgege deıin ótemaqy qarastyrylǵan. Sonymen qatar polısııa qyzmetkerleri men olardyń otbasy múshelerine, quqyq qorǵaý organdarynyń ardagerlerine tegin medısınalyq qyzmet kórsetiledi, – dep atap ótti polısııa polkovnıgi.
Qujatqa «2019-2021 jyldarǵa arnalǵan ishki ister organdaryn jańǵyrtý jónindegi Jol kartasyn» júzege asyrý sheńberinde qol qoıyldy, ondaǵy basym baǵyttardyń biri – jurtshylyqpen tıimdi ózara is-qımyl, halyqpen jumystyń jańa formaty, quqyq qorǵaý organdarynyń kadrlaryn irikteý jáne daıarlaý.
- Biz memorandým aıasynda JOO-nyń stýdentterin jumysqa ornalastyrý jáne tájirıbeden ótý týraly naqty kelisimderge qol jetkizdik. Yntymaqtastyq sheńberinde oqý josparlaryn túzetip, jumys berýshiniń tilekterin eskeremiz. Jyl saıyn eki myńnan astam zańger daıarlaımyz jáne bul baǵyt eseptik mekemede asa talap etilgen, - dep atap ótti Chelıabi memlekettik ýnıversıtetiniń Qostanaı fılıaly dırektorynyń orynbasary Natalıa Nalızko.
Budan ári memorandýmnyń mindetterin iske asyrý úshin birlesken is-sharalar jospary jasalady.
