Ekonomıka • 20 Tamyz, 2019

Jańa sharalar azyq-túlik taýarlarynyń baǵasyn baqylaýǵa múmkindik beredi - UEM

34 ret kórsetildi

Búgin QR Úkimetiniń otyrysy boıynsha ótken baspasóz konferensııasynda Ulttyq ekonomıka mınıstri R. Dálenov azyq-túlik taýarlaryna baǵanyń maýsymdyq kóterilýine jol bermeý boıynsha qabyldanǵan is-sharalar týraly aıtyp berdi. Bul týraly primeminister.kz habarlady.  

Mınıstr barlyq óńirde áleýmettik mańyzy bar taýarlarǵa baǵanyń ınflıasııadan ozyq ekenin jetkizdi. Bul taýarlarǵa baǵanyń ósýi 7,2%-dan 15,1% aralyǵynda. Eń joǵarǵy ósý Nur-Sultan (15,1%), Jezqazǵan (11,8%), Taldyqorǵan (10,4%), Aqtóbe (9,9%)  Atyraý (9,8%) qalalarynda baıqalady.

Sonymen qosa, maýsymdy eskerýmen jyl sońyna qaraı ınflıasııanyń belgili bir ósimi baıqalady.

«Bizdiń mindetimiz –  ınflıasııany 4-6% dálizinde saqtaý. Bıyl jalpy ınflıasııa betalysy birshama tómen. Inflıasııanyń jyldyq máni shilde aıynyń qorytyndysy boıynsha 5,4% qurady. Jyl sońyna deıin biz baǵanyń ótken jyldaǵydaı ósýine jol bermeý úshin barlyq sharany qabyldaıtyn bolamyz» dedi R. Dálenov. 

Onyń aıtýynsha, jergilikti atqarýshy organdar osy baǵytta jumys isteý úshin barynsha jumyldyrylǵan jáne barlyq quraldar qoldanylady. Bul — saýda erejesine engizilgen jańa ózgerister, turǵyndarǵa azyq-túlik ónimderin, jemis-kókónis ónimderin óndirýshi baǵasyna jaqyn baǵamen, barynsha az shyǵynmen satýǵa múmkindik beretin kóterme-taratý ortalyqtaryn salý. Sonymen qatar turaqtandyrý qorlarynyń jumys rásimderi jeńildetildi. Baǵaǵa monıtorıng júrgizý jáne baǵany qurýda deldaldyq operasııalar men kelisýdi anyqtaýdyń quraldary bar. Máselen, jyl basynan beri Tabıǵı monopolııalardy retteý, básekelestikti jáne tutynýshylardyń quqyqtaryn qorǵaý komıteti 11 sýbektige qatysty nan, sút ónimderi, qant, et, qus eti naryǵynda jeti zertteý júrgizdi. 4 sýbekti ákimshilik jaýapkershilikke tartylyp, olarǵa 4 mln teńgege jýyq soma aıyppul salyndy, 6 mln teńge kólemindegi monopolııalyq tabys alyndy. Qalǵan sýbektiler boıynsha ister ákimshilik sottyń qaraýynda jatyr. 

«Jumystardy júrgizip jatyrmyz, baǵalar burmalanýyna únemi monıtorıng jasaımyz. Qajet bolǵan jaǵdaıda jáne shaǵym tússe, biz zańnamaǵa sáıkes shara qabyldaý úshin tekserýge shyǵamyz» dedi mınıstr.

Sonymen qatar R. Dálenov saýda jelilerinde ústeme baǵa boıynsha shekteý qoıylatynyn atap aıtty. Bul 19 pozısııa boıynsha áleýmettik mańyzy bar taýarlarǵa ǵana qatysty. Olar boıynsha  saýda jelilerinde ústeme baǵa 15%-dan aspaýy tıis. Zańnamalyq ózgerister qabyldanǵan.

«Bul rette sóreler bos qala ma degen úreı týyndaıdy. Oǵan jol bermeý úshin áleýmettik-kásipkerlik korporasııalarǵa saýda jelilerine aınalma qarajatyn usyný quqyǵy berilgen», — dep túsindirdi mınıstr.

Budan basqa, sórelerdiń 30%-yn tek qana otandyq azyq-túlik taýarlaryna usynýdy kózdeıtin norma engizilgen.

«Bul sharalar azyq-túlik taýarlarynyń baǵasynyń baqylanýyna ákeledi», — dep túıindedi R. Dálenov.   

Sońǵy jańalyqtar

Dollar arzandady

Ekonomıka • Búgin, 16:52

Qosshyda jańa mektep ashylady

Bilim • Búgin, 16:25

Almatyda esirtki tasymalynyń joly kesildi

Aımaqtar • Búgin, 14:55

Hamenova óz kinásin moıyndaǵan joq

Qoǵam • Búgin, 14:16

Qazaqstanda jylqy eti qymbattady

Qoǵam • Búgin, 14:02

Uqsas jańalyqtar