Aımaqtar • 21 Tamyz, 2019

Arystyń balalary Balqashty aralady

22 ret kórsetildi

Budan buryn habarlaǵanymyzdaı, Arys qalasynyń 200 oqýshy balasy Qaraǵandy oblysyndaǵy Bektaý ata taý shatqalyndaǵy «Fakel» saýyqtyrý lagerinde demalyp jatyr.

Taıaýda «Rýhanı jańǵyrý» baǵdarlamasy aıasynda Balqashqa ekskýrsııa uıymdastyrylyp, kishkentaı qonaqtar kól jaǵasyndaǵy metallýrgter shaharynyń tarıhymen tanysyp, qalanyń kórikti jerlerin aralap, mádenıet jáne sáýlet eskertkishterin tamashalady.

– Balqashqa alǵash ret taban tiregen Arys balalary qalanyń qalyptasý tarıhymen tanysýǵa múmkindik aldy. Olar bul ekskýrsııadan birtalaı jaǵymdy áser aldy degen senimdemiz, – deıdi sharany uıymdastyrýshylardyń biri, Shashýbaı kentindegi «Mektep-balabaqsha kesheni» bazasyndaǵy tirek mektebiniń dırektory Aıman Túkbaeva.

Ekskýrsııa barysynda balalar Balqash qalalyq tarıhı-ólketaný murajaıynda boldy. Odan keıin qalanyń kóne ǵımarattarynyń biri –M.Hamzın atyndaǵy metallýrgterdiń mádenıet saraıyn aralap kórdi. Osy jerde olar ataqty kúıshi Maǵaýııa Hamzın týraly qyzyqty derektermen tanysty. 

Ekskýrsııalyq týrdyń sońyna qaraı Arystyń balalary Balqash kólinde shomylyp, kúnge qyzdyryndy, estelik sýretterge tústi.

Eske salsaq, osydan biraz buryn oblys ákimi Erlan Qoshanov bastama kóterip, Arystyń  oqýshy balalaryn Balqash qalasynyń mańyndaǵy Bektaý ata shatqalynda ornalasqan «Fakel» saýyqtyrý lagerine demalyp qaıtýǵa shaqyrǵan bolatyn.  

 

Qaraǵandy oblysy

 

Sońǵy jańalyqtar

Qaı salada jalaqy ósti?

Ekonomıka • Keshe

Reseı azamattary alǵys aıtty

Aımaqtar • 26 Aqpan, 2021

Jambyl Jabaevtyń 175 jyldyq mereıtoıy bastaldy

Fotogalereıa • 26 Aqpan, 2021

Fýtzal: Belarýske qarsy oınaımyz

Sport • 26 Aqpan, 2021

Uqsas jańalyqtar