Qazir alqaptarda qyzý jumys. Sharýashylyqtar 7,8 myń gektardan dándi daqyldar jınaýda. Ortasha shyǵymdylyq gektarynan 8,6 sentnerdi quraǵan. Bıyl 210 myń gektarǵa maıly daqyldar, 7,9 myń gektarǵa jem-shóp, 17,8 myń gektarǵa kartop jáne 9,3 myń gektarǵa kókónis pen baqsha daqyldary ósýde.
Basqarmanyń málimetinshe, dándi daqyldardyń ortasha shyǵymdylyǵy gektarynan 10,1 sentner ónim alynbaq. Iаǵnı, 600 tonna kartop, 222 myń tonna kókónis, 82,6 myń tonna baqsha daqyldary jınalady.
Qazir óńirdi kókónispen jáne kartoppen qamtıtyn Aqsý qalasynyń aýyldyq aımaǵy men Pavlodar aýdany erte pisetin kartop pen kókónisti jappaı jınaýda. 870 gektardan kartop jınalsa, gektarynan orta eseppen 232 sentner ónim alýda.
Alqaptan jınalǵan kartoptyń kelisi 80 teńgeden, sábiz 90 teńgeden. Oblysta kartop pen kókónis saqtaıtyn 124 qoıma bar, olardyń 80 paıyzy zamanaýı tehnologııalyq quraldarmen jabdyqtalǵan.
Bıyl 230 myń tonna saqtaýǵa salynsa, 117 myń tonna kartop satýǵa shyǵarylmaq.
Al, kartoptyń qunyn turaqtandyrý úshin kóptep saqtaýǵa salýdy jáne dıqandarǵa ónimderin ózge óńirlerge satý joldaryn qarastyrýda.
Pavlodar oblysy
Sýretti túsirgen: Valerıı Býgaev
