Jedel únqosýlar
Beısenbi, 24 qańtar 2013 7:56
Rahman ALShANOV,
«Turan» ýnıversıtetiniń rektory:
– Elbasy Nursultan Nazarbaev Úkimet aldyna mańyzdy mindetter qoıdy. Muny bir jaǵynan «Qazaqstan-2050» Strategııalyq baǵdarlamasymen tikeleı baılanysy bar mindetter deýge bolady. Endi elimizde Memleket basshysynyń tapsyrmasyna sáıkes jańa temir joldar, tas joldardyń qurylysy júrgizilip, jańa gaz qubyrlary salynyp, energetıkalyq qaýipsizdigimiz nyǵaıatyn bolady.
Beısenbi, 24 qańtar 2013 7:56
Rahman ALShANOV,
«Turan» ýnıversıtetiniń rektory:
– Elbasy Nursultan Nazarbaev Úkimet aldyna mańyzdy mindetter qoıdy. Muny bir jaǵynan «Qazaqstan-2050» Strategııalyq baǵdarlamasymen tikeleı baılanysy bar mindetter deýge bolady. Endi elimizde Memleket basshysynyń tapsyrmasyna sáıkes jańa temir joldar, tas joldardyń qurylysy júrgizilip, jańa gaz qubyrlary salynyp, energetıkalyq qaýipsizdigimiz nyǵaıatyn bolady.
Keshegi keńeste «EKSPO-2017» halyqaralyq kórmesine daıyndyq týraly da máseleler qaraldy. Onda Nursultan Ábishuly bolashaqta ulttyq ekonomıkamyzdyń qozǵaýshy kúshi bolatyn «Jasyl ekonomıka» ıdeıasy týraly jaqsy usynystar aıtty. Bul elimizdiń damýyna oń septigin tıgizetin ıdeıa. Bolashaqta atalǵan ıdeıa iske asyp jatsa, biz tabıǵı resýrstardan túsetin qarjyǵa qarap qalmaı, kún batareıasyn paıdalanyp, jańa ınnovasııalyq jobalardy iske asyratyn bolamyz.
Talǵat NURǴALIEV,
«Qumash Nurǵalıev atyndaǵy gımnazııa» MM dırektory:
– Keshe gımnazııanyń oqytýshylar quramy men oqýshylar Elbasynyń keńeıtilgen keńeste sóılegen sózderin, memlekettik organdarǵa bergen tapsyrmalarynyń bárin osy ınternet arqyly kórýge múmkindik aldy. Memleket basshysy utymdy oılar, jańa ıdeıalar aıtyp, Úkimet músheleriniń aldyna jańa mindetter qoıdy. Onda shaǵyn jáne orta bıznesti damytý, azyq-túlik qaýipsizdigi, «Jasyl ekonomıkany» qurý, 2017 jyly ótetin «EKSPO-2017» halyqaralyq kórmesine daıyndyq máseleleri qaraldy. Sonyń ishinde bizdiń oqytýshylar men oqýshylardy «Jasyl ekonomıka» ıdeıasy qatty qyzyqtyrdy. О́ıtkeni, bizdiń gımnazııada 4-5 jyldan beri «Bolashaq energııasy» páni boıynsha sabaqtar ótkizilip, sodan alǵan bilimderi boıynsha balalar respýblıkalyq jáne oblystyq olımpıadalarǵa qatysyp, júldeli oryndarǵa ıe bolyp keledi.
Asqar RZAHANOV,
«О́zenmunaıgaz» AQ bas dırektory:
– Memleket basshysy elimizdiń ekonomıkalyq ósýin qamtamasyz etý, kólik ınfraqurylymyn damytý, sondaı-aq «jasyl ekonomıka» jáne úshinshi ındýstrııalyq revolıýsııa syndy jahandyq úrdister máselelerine aıryqsha nazar aýdardy. Memleket basshysy belgilegen baǵytqa sáıkes, О́zen munaıshylary ózderiniń kásiporyndarynda keń kólemde áleýmettik jańǵyrtý úderisterin júrgizip jatyr. Bul rette barlyq deńgeıdegi qyzmetkerlerdiń eńbek jaǵdaıyn jaqsartý baǵytynda san salaly jobalar júzege asyrylýda. Biz búginde Prezıdent basymdyq berip otyrǵan jumyssyzdyqty azaıtý, halyqtyń áleýmettik ahýalyn kóterý, ıaǵnı jumysshylardyń densaýlyǵyn saqtaý, otbasylyq jaǵdaılaryn jaqsartý syndy máselelerge asa mán berýdemiz. Bizdiń ujym Elbasynyń saıasatyn, onyń bastamalaryn tolyqtaı qoldaıdy. Sebebi Prezıdenttiń kez kelgen sheshimi memleket damýynyń tetigi bolyp tabylady.
Vıtalıı SVINSISKII,
Pavlodar oblysyndaǵy «Qazaqstan polıaktary uıymy» qoǵamdyq birlestiginiń tóraǵasy, Qazaqstan halqy Assambleıasynyń múshesi:
– Keńes barysynda Memleket basshysy Nursultan Nazarbaev elimiz óńirlerindegi apatty jaǵdaıda turǵan mektepter men aýrýhanalardy, úsh aýysymda oqytatyn mektepterdi qaıta qalpyna keltirmes buryn jańadan nysandar turǵyzýǵa tyıym saldy. Bir jaǵynan alyp qaraǵanda, bul durys sheshim emes sııaqty kórinedi. Sebebi, eldi mekenderdiń basym kópshiligine jańa áleýmettik ǵımarattar aýadaı qajet. Alaıda Memleket basshysynyń sózine tereń mán bere otyryp onyń durystyǵyna kóz jetkizesiń. О́ıtkeni, elimizde 189 mektep pen 68 densaýlyq saqtaý salasy nysanynyń apatty jaǵdaıda turýy qalypty jaǵdaı emes.
Shynymen de biz osyndaı problemalardy sheshpeı, alǵa jyljı almaımyz. Sebebi, ondaı máseleler bizdiń ilgeri damýymyzǵa kedergi keltiredi. Sondyqtan Elbasynyń bul máselege oraı aıtqan usynysy óte oryndy dep esepteımin.
