B. Saparbaeva atap ótkendeı, QR Tuńǵysh Prezıdenti – Elbasy N. Nazarbaev Úkimet aldyna qoıǵan basty mindetterdiń biri — qazaqstandyqtardyń ál-aýqatyn arttyrýdy qamtamasyz etý.
Bıyl qazaqstandyqtardyń jekelegen sanattarynyń jalaqylary eki esege ósti. 3 mln-nan astam qazaqstandyq úshin jalaqy mólsheri 15%-dan 30%-ǵa deıin artty.
Elbasynyń taǵy bir mańyzdy tapsyrmasy — qazaqstandyqtardy jumyspen qamtý, jańa jumys oryndaryn ashý.
B. Saparbaevtyń aıtýynsha, bul tapsyrma Qazaqstanda iske asyrylyp jatqan 14 memlekettik jáne salalyq baǵdarlamar aıasynda oryndalyp jatyr.
«О́z sózinde Nursultan Ábishuly Nazarbaev adamdardyń ál-aýqatyn jaqsartý olardyń eńbegine baılanysty bolatynyn aıtty, ıaǵnı eger deni saý bolsa, eńbekke qabiletti adam jumys isteýi kerek. Memlekettik qoldaý men áleýmettik kómektiń barlyǵy oǵan muqtaj adamdarǵa ǵana kórsetilýi tıis», — dedi ol.
Máselen, bıyl 373 myń jańa jumys orny qurylady. 2019 jyldyń 7 aıynyń qorytyndysy boıynsha bul tapsyrma 60%-ǵa oryndaldy. Onyń ishinde 150 myńnan astam oryn — naqty jumys orny. Suranysqa ıe emes mamandar qazirgi tańda suranysqa ıe mamandyqtar boıynsha qysqa merzimdi oqytýdan ótti.
«Eńbek» baǵdarlamasy aıasynda «Bıznes Bastaý», «Jas maman», «Jas kásipker» jobalary iske asyrylyp jatyr.
Sonymen qatar, shaǵyn nesıelik granttar bar. Elbasynyń «Áleýmettik qamqorlyq» jańa áleýmettik sharalaryna sáıkes qosymsha 15 myń grant bólindi. Bul maqsattarda respýblıkalyq bıýdjetten 32 mlrd teńge bólindi.
Premer-Mınıstrdiń orynbasary sonymen qatar ataýly áleýmettik kómektiń jańa formatyn iske asyrý týraly baıandady. Búgingi tańda 340 myńnan asa otbasy nemese 1,8 mln qazaqstandyq osy kómek túrimen qamtylǵan. AÁK alýshylardyń 58%-y — aýyl turǵyndary. Respýblıkalyq bıýdjetten tólengen qarajat kólemi — 103 mlrd teńge. Sonyń nátıjesinde 37 myń adam jumysqa ornalastyryldy, 6 myńǵa jýyq adam óz isin ashty. Máselen, 88 myń aýyl turǵyny mal, tehnıka t.b. alý múmkindigine ıe boldy.
«Jalpy, AÁK alatyn otbasylardyń materıaldyq jaǵdaılary jaqsardy. AÁK kólemi bir adamǵa shaqqanda 6 myń teńgeden 15 myń teńgege deıin artty. Eger buryn bir otbasyǵa orta eseppen 30 myń teńge tólengen bolsa, qazir – 86 myń teńge. Taldaý málimetteri boıynsha, AÁK el ekonomıkasyna 300 mlrd teńge kóleminde mýltıplıkatıvti áser berdi», — dedi B. Saparbaev.
Sonymen qatar, B. Saparbaev AÁK taǵaıyndaýda kómektiń shynymen muqtaj adamdarǵa kórsetilýine erekshe kóńil bólingenin aıtty. AÁK taǵaıyndaýda tabysty burmalaýdyń kóptegen faktileri anyqtaldy — barlyǵy 70 myńǵa jýyq taǵaıyndaý qaıta qaraýdy talap etedi. Búgingi tańda turaqty monıtorıng júrgizilýde. EHÁQM-de Eńbek resýrstaryn damytý ortalyǵy jumys isteıdi, oǵan zeınetaqy qoryna qarajat aýdaratyn barlyq jumys isteıtin qazaqstandyqtar boıynsha málimetter kelip túsedi. Sonyń negizinde azamattardyń jalaqysy men onyń otbasynyń tabysy anyqtalady. AÁK josyqsyz alýshylar boıynsha jergilikti atqarýshy organdarmen olardyń naqty tabysyn naqtylaý boıynsha jumystar júrgiziledi.
«Biz muqtaj adamdardy masyldardan ajyratýymyz kerek. Eger biz osy kómekti paıdalanyp, masyldyqqa boı ursaq, bizdiń bolashaǵymyz ne bolady, balalarymyzǵa qandaı tárbıe beremiz, bizdiń elimiz qalaı damıdy? Sondyqtan bul máselede qatelikke jol joq. Deni saý, eńbekke qabiletti adamdar jumys isteýi kerek. Ol úshin barlyq jaǵdaılar jasalǵan», — dedi B. Saparbaev.
Sonymen qosa, Memleket basshysynyń «Qazaqstan Respýblıkasy azamattarynyń borysh júktemesin azaıtý týraly» Jarlyǵyn iske asyrý boıynsha jumystar júrgizilip jatyr. QR EHÁQM QR Ulttyq bankimen birlesip 33 mlrd teńge somasyna 1,2 mln qazaqstandyqtardyń aıyppuldary men ósimpuldaryn esepten shyǵardy. Sonymen qatar, bir qaryz alýshyǵa eseppen tutynýshylyq nesıeler somasy 300 myń teńgege deıin tómendetildi. Jalpy, nesıeler somasy 105 mlrd teńge somasyna 630 qazaqstandyq úshin tómendetiletin bolady.
Elbasynyń taǵy bir tapsyrmasy — memlekettik qyzmetterdi elektrondy formatqa aýystyrý aıasynda búginde memleket 730-ǵa jýyq memlekettik qyzmet kórsetedi. Onyń ishinde búgingi tańda elektrondy formatqa 72% kóshirildi. Jyl sońyna deıin bul kórsetkish 80%-ǵa jetkiziledi. Elbasynyń kelesi jyly bul kórsetkishti 90%-ǵa deıin jetkizý týraly tapsyrmasy bar.
